يــآغــآيبه :) جديد

بسم الله الرحمن الرحيم

السلام عليكم ورحمة الله وبركاته

طآل السكوت ومآل لصمتي مطآليب = غير الكلآم آللي وقف وآنتظرته

بعد الغياب




إليكم





يــآغــآيبه

للحزن في صدري مداهيل وأوطان = وأنا لقيت الحزن جرحي وبيتي
ياغايبه ليلي طواري وحرمان = الله حسيبك لا غفيت وطريتي
تاخذني أيامك على كل ماكان = وأنتي ورا كف الزمان أنطويتي
أعيش ذكرى كلها حب وأحسان = على طريق الحب يوم أحتريتي
جيتك غريب ومامعي أي عنوان = فيك أنتهى حلم الهوى وأبتديتي
ياغلى من الأحلام بعيون الأنسان = صرح الغلا باقي ولو مابقيتي
حتى القصايد والقوافي والألحان = لا جيت أسامرها بطيفك لفيتي
يسريبك الهاجس وأنا فيك هيمان! = وشلون بيّحت الخفا وإختفيتي؟
مرات أقول الحب باقي ولا هان = ومرات أقول أقفا الضما وإرتويتي
هذي حياتي بالأماني وألأحزان = بالمختصر كانك بها مادريتي

الشآعر // عبدالمجيد الظويفري

صح لسانك ملايين على هالنص الجميل.وتقبل اعجابي بالقصيدة

عبدالمجيدشاعرشاعرشاعر بمعنى الكلمه وانا اشهد انك شاعر وتجيد اللونين المحاوره والنضم
وانا من اشد المعجبين بقصايدك ومحاورات والله يوفقك
وهذه قصيده عصما لله درك يالظويفري سجل اعجابي واحترامي لك

قصيدة رائعة من شاعر جزل .. ولن اقول اكثر مما قاله الشاعر الكبير
علي بن حميدان الدجيما .. صح لسانك ما توفيك حقك يابو سعيد
لكن عسى صح لسانك ملايين تكفي على هذا النص الفخم ..
تقبل اعجابي

صح لسانك اخوي

صح لسانك يالشاعر عبدالمجيد الظويفري ولاهنت على هذه القصيده الرائعه وتقبل اعجابي بما خطه قلمك

صح لسانكـ وعتلا شانكـ

قصيدهـ مميزهـ يعطيك العافيهـ

الله الله صح لسانك ياخال على القصيده الاكثر من رائعه

مافيك حيله وفالك التوفيق

تقبل اعجابي بشعرك وبشخصيتك

صح لسانك أخوي عبدالمجيد الظويفري

صح لسانك
اعجبني كل حرف يوجد بها
ومره اخرى صح لسااااااااااااااانك