روحــي ,, فمــآن الله

غير متواجد حالياً

بسم الله الرحمن الرحيم
السلام عليكم ورحمة الله وبركاته

متوآضعه ,,

أقبلوها كيف ما أتت .

روحــي ,, فمــآن الله

روحي فمان الله مع سود الأيام = روحي ترا ماعاد صدري شمالي
أنتي عذاب الوقت وجروح الأحلام = حملتك ذنوبي وذنب الليالي
في كل يوم أشوف زولك بهندام = ماعاد في دستور الأحباب والي
فيك الأماني كلها صارت أوهام = قولي لطيفك لا يعانق خيالي
أنا تراي اليوم ماني بأنا العام = وش عاد ينفع لو تقولين غالي؟
إن ما محاك القلب تمحيك الأعوام = لاتسألين القلب عن راس مالي
قصة شقا والعمر مازال قدام = وإن طابت جروح الهوى طاب فالي
قد قالوا إن الحب راعيه ينضام = وأنتي تجرعتي من المر حالي
روحي بلاش من المواجع والآلآم = أشغلت فكري عنك وأشغلت بالي
مادام عمر الحب للحب مادام = قولي كذا للحب ( ماني لحالي )
وإن كان تضماك القصايد والألهام = في دفتري يغشى الحروف التعالي
صدر الورق لاضاق ماتفيد الأقلام = أنا الورق لو كان صدري شمالي

الشـآعر // عبدالمجيد الظويفري