السلام عليكم ورحمة الله وبركاته
اشكر القائمين على هذا المنتدى واقول بيض الله وجيهكم على ماتقوم به واشكر من دعاني له
وهذه قصيده امل ان تحوز على اعجابكم
يارحلة العمر من عمري وش اللي بقا=دورات الاقدار مدري عن نهاياتها
يارحلة العمر كم لي بالعنا والشقا=وسنيني اللي مضت ماذقت لذاتها
يارحلة العمر أنا اللي للطويله رقا=لوطالت أميالها محسب مسافاتها
يارحلة العمر وين اليومه الأصدقا= أعز الاصحاب وش غير مساراتها
اقفو مع الوقت والدنيا وانا ماهقا =إن المحبين تاتقطع علاقاتها
خلولي الذكريات ومات حلم اللقا= ذكرى عزيزه ولا تمحاء كتاباتها
غابو ودمعي عليهم من عيوني سقا=أرض لها عام قد جفت محيطاتها
يارحلة العمر هذا اللي بعمري بقا= آلام وهموم تسكني محطاتها
اخوكم شاعر الغربه / شبل المطيري