وانا لي الله كـل ماخاطـري ضـاق=صليت مـع صـوت الاذان وشكرتـه
صح لسانك ياعبدالمجيد
قالوا من انت وقلت من عزوة مطير=اهل الثلاث النادرات العجيبه
قالوا من أي وقلت شباعة الطير=آلاد عباد الفخر والمصيبه
قالوا من أي وقلت غصابة الغير=آلاد عون مطلقين الغريبه
قالوا من أي وقلت كسابة الخير=ميزان فكاكة سجونن صليبه
أبارك للاسره الحاكمه ولكم باليوم الوطني لبلدنا الغالي
بعد الانقطاع أعود لكم بهذه الابيات المتواضعه
أرجوا ان تقبلونها كما هي
إلــيكم
رجـم القصــايد
حبر المشاعر لا زهم بيض الاوراق = على صفا رجم القصايد نثرته
عسى الصفا يحرز عن الصدر لا ضاق = لاضاق من همه وانا ماقدرته
يارجم ترجم كان خانتك الافاق = قل للصخر ينطق وش اللي صخرته
علمهم انك تنتظر شمس الاشراق = وانا شروقي من سنين انتظرته
لو ادري ان الوقت خاين وبواق = عمري على درب العنا ماعمرته
ان شفتني مابين ضحكه وترياق = ارسم بها كذبة فرح ماشعرته
يارجم انا بعطيك موجز للاعماق = واقع بصدري في صفاك اختصرته
يمكن تناصفني شعوري وينطاق = والا إعتبر يارجم كان اعتبرته
صدري من الضيقه غدا كنه عراق = همٍ يزعزعني وهمٍ قبرته
والخاطر اللي من طواريه ماراق = سما وصفوه يشتكي من غبرته
يارجم حملتك من الحمل ماطاق = عليك منجوب القصايد نحرته
وانا لي الله كل ماخاطري ضاق = صليت مع صوت الاذان وشكرته