***البطاقه الشخصيه لاعضاء منتدانا الغالي***

***بسم الله الرحمن الرحيم***



***السلام عليكم ورحمة الله وبركاته ***



صباحاتكم ومسائاتكم


خير ويمن وبركات *_*



اخباركمـ؟؟


ان شاءالله بخير وسهالهـ؟؟





المهم الله مير يسلمكم


اخترت هالموضوع لمزيد من التعارف بين أعضاء


و الشخص منا يتشرف بمعرفة أعضاء هذا الصرح الشامخ ...




و أقدم لكم مصطلحات البطاقة الشخصيه :






* - الاسم أو الكنيه :


* - الحاله الاجتماعيه :


*-العمر:


* - المرحله الدراسيه :


* - المنطقه أو البلد :



* - الصفه المحببه لديك :


* - الصفه المكروهه لديك :


*- الاكله المفضله:


*- المشروب المفضل:


* - هواياتك :


* اللون المفضل :


* أسعد لحظة في حياتك :


* أتعس لحظة :


* آغلى هدية :


* كيف وصلت للمنتدى :



*-سبب اختيارك لنك نيم حقك:



* عضو يعجبك :


* اسم مستعار اعجبك :


* مبدأ تؤمن به :




* - طموحك في المستقبل :




كلمة تود قولها لأعضاء المنتدى :



.ارجو التفاعل يا اعضاء منتدانا الغالي

صراحه موضوع سبق طرحه بفكره اخرى ولكن هذا لايمنع انه يكون

من نوع التجديد والتعريف بالاعضاء الجدد هنا


يعطيك الف عافيه روحي سبيع .. ماقصرت على تفاعلك ومجهودك

موضوع جميل جدآ ويحمس

- الاسم أو الكنيه :
شيخة زمآني

* - الحاله الاجتماعيه :

ماتزوجت :)
*-العمر:

23
* - المرحله الدراسيه :
خلصت جامعه وانطقيت بالبيت وافكر اكمل ماجستير

* - المنطقه أو البلد :
الريآض


* - الصفه المحببه لديك :
الحنآن

* - الصفه المكروهه لديك :
االكذب

*- الاكله المفضله:
مكرونه بالباشاميل :)

*- المشروب المفضل:

عصير مانجا خخخخخ
* - هواياتك :

القراءه فقط
* اللون المفضل :
الاصفر

* أسعد لحظة في حياتك :

يوم دخلت الجامعه
* أتعس لحظة :

يوم تخرجت فارقت صديقاتي
* آغلى هدية :
جوال جابه لي اخوي

* كيف وصلت للمنتدى :

من عمو قوقل

*-سبب اختيارك لنك نيم حقك:

لاني شيخه بطبعي

* عضو يعجبك :

توني جديده
* اسم مستعار اعجبك :

شيخة زمآني
* مبدأ تؤمن به :

كن في الدنيا كأنك غريب او عابر سبيل و عد نفسك من اصحاب القبور


* - طموحك في المستقبل :


ابي اصير دكتوره في تخصصي

كلمة تود قولها لأعضاء المنتدى :

سامحوني اذا قصرت

المشاركة الأصلية كتبت بواسطة مواعيـ سراب ـدك

صراحه موضوع سبق طرحه بفكره اخرى ولكن هذا لايمنع انه يكون

من نوع التجديد والتعريف بالاعضاء الجدد هنا


يعطيك الف عافيه روحي سبيع .. ماقصرت على تفاعلك ومجهودك

هلا بك اخوي مواعيدك
اسعدني مرورك
بس وين رايح نبي البطاقه ههههههه

هلا وغلا بشيخة زماني

اتشرف بمعرفتك

الله يوفقك وتاخذين الدكتوراه

يالله حي روحي سبيع ...
وأبشري باللي تبيه ياطويلة العمر ..

لكن ترى لي عليك شرهه .. ولازم تعطينا بطاقتك الشخصية انتي برضوو ...

المشاركة الأصلية كتبت بواسطة روحي سبيع

و أقدم لكم مصطلحات البطاقة الشخصيه :






* - الاسم أو الكنيه :
الإسم عاد صعبه هههه
الكنية شلاحية وكلي إعتزاز بها ...


* - الحاله الاجتماعيه :

في بيت أهلي هههه

*-العمر:
27 عام ..ضاعت وسط الزحام (:


* - المرحله الدراسيه :
خريجة بكالوريوس أدب إنجليزي ..
وحالياً مُعلمة متعاقدة ..


* - المنطقه أو البلد :
القصيم ..

* - الصفه المحببه لديك :
أحب الوفا والشهامة والكرم ...وكل صفات البدوي الأصيل ..


* - الصفه المكروهه لديك :
الغدر .. والكذب والخداع ... وكل شي غيرها قابل للغفران ...

*- الاكله المفضله:
الحمدلله ... كلها نعمة وخير وبركه ...
لكن تبقى للمأكولات البحرية وزنها كأطباق مفيد ولذيذة بنفس الوقت ..

*- المشروب المفضل:
سابقاً الببسي ):
حالياً فانتا فراولة ):


* - هواياتك :
كثير .. لكن أكثرها قرباً لنفسي كتابة وقراءة الشعر ..

* اللون المفضل :

الأبيض .. لون السلام والوئام ...

* أسعد لحظة في حياتك :
لما أكون سبب في إدخال السرور والفرح على أي قلب آخر ..
سواء بمساعدة أو بدعم معنوي أو مادي أو أياً كانت الوسيلة ..


* أتعس لحظة :

لحظة تأنيب الضمير .. والإحساس بالذنب والخطأ ...

* آغلى هدية :
الهدايا بمعناها عندي ... وليست بقيمتها ..
وأغلى الهدايا هي إبتسامة رضى تعلو مُحيا والدي ووالدتي لأجلي ...

* كيف وصلت للمنتدى :

كنت متابعه لمنتديات القبيلة بشكل متقطع ..
ولا أتابع منتدى محدد ...
لكن بيوم دخلت منتدى الموازين وصادفني موضوع إعلان لمسابقة طبخ .. وقررت أسجل وأشارك
بعد ماسجلت ماكتب الله وماشاركت بالمسابقة .. لأنه من ضمن الشروط
ان المشاركات تكون فوق الـ 50
المهم نسيت الحكاية وغبت فترة شهور عن المنتدى
وبعدين رجعت .. وإستمريت الحمدلله ..
والله لايجيب إنقطاع آخر ..

*-سبب اختيارك لنك نيم حقك:
إعتزازي بإنتمائي .. ومحبتي لربعي وعزوتي ..


* عضو يعجبك :
منتدى النخبة بكل أعضاءة عاجبني ... الله يجمعنا فيه على الخير والبركة ..



* اسم مستعار اعجبك :
( سنا برق ) ... اسم شاعري وراااائع بما تعنية الكلمة ...
ومني لأختي سنا برق سلام الله ورحمته وبركاته ..


* مبدأ تؤمن به :
حب للناس ما تحب لنفسك وعاملهم بما تحب أن يعاملوك به...
وقتها بتعيش في سلام أبدي بإذن الله ...



* - طموحك في المستقبل :
وظيفة رسمية وإستقرار .. وخلاص ..

كلمة تود قولها لأعضاء المنتدى :

اخوان وأخوات غاليين كلكم والله
وسامحونا كان بدر منا أي قصور ..

علامكم تدخلون وماتردون نبي نتعرف عليكم

وهذي بطاقتي يالله عاد نبي بطايقكم لا تتغلون

* - الاسم أو الكنيه :
روحي سبيع

* - الحاله الاجتماعيه :
عزباء
*-العمر:
22

* - المرحله الدراسيه :
جامعه

* - المنطقه أو البلد :

شمال الرياض

* - الصفه المحببه لديك :
الصدق

* - الصفه المكروهه لديك :
النفاق

*- الاكله المفضله:
مافيه شيء محدد

*- المشروب المفضل:
حمضيات

* - هواياتك :
القراءه والشعر
والتفحيط بالبر<<متى يسمحون بالسواقه هههههه

* اللون المفضل :
الاحمر

* أسعد لحظة في حياتك :
مو لحظه وحده كثير
بس اللي ثبت براسي لمى ركبت الرحول هههههههههههههه
ماتوقعت اني بقدر وقدرت
* أتعس لحظة :
وفاة جدتي الله يرحمها

* آغلى هدية :
بوك من جدتي الله يرحمها

* كيف وصلت للمنتدى :

الله يخلي قوقل

*-سبب اختيارك لنك نيم حقك:

اعتزاز وحب لقبيلتي

* عضو يعجبك :
لسى جديده

* اسم مستعار اعجبك :
مواعيدك سراب

* مبدأ تؤمن به :


ماكل مايتمناه المرء يدركه

* - طموحك في المستقبل :

لحد يضحك
ياويله اللي بيضحك
اني اشارك بالمزاين حق ام رقيبه


كلمة تود قولها لأعضاء المنتدى :

افا وينكم محد معطي موضوعي وجه

اسفرت وانورت بالغاليه شلاحيه

تشرفت بمعرفتك ومامنك قصور

ولو طلباتك اوامر شوفي بطاقتي رزيتها لك

المشاركة الأصلية كتبت بواسطة روحي سبيع

اسفرت وانورت بالغاليه شلاحيه

تشرفت بمعرفتك ومامنك قصور

ولو طلباتك اوامر شوفي بطاقتي رزيتها لك

بعد راسي والله ..
تسلمين يابنت الأجواد ...
ومايآمر عليك ظالم إن شاء الله ...

بسم الله الرحمن الرحيم

غالى وطلب رخيص
اختى روحى سبيع


* - الاسم أو الكنيه :
نزف الاحساس

* - الحاله الاجتماعيه :

اعزب ونعم هههههه
*-العمر:
27
* - المرحله الدراسيه :

تقنيه ؟ودشيت معهد تمريض


* - المنطقه أو البلد :
الخبر

* - الصفه المحببه لديك :
الصراحه
* - الصفه المكروهه لديك :
الكذبـ

*- الاكله المفضله:
فشله هههه
ورق عنب


*- المشروب المفضل:
طبعنا ببسي بس صار بـ1,5

* - هواياتك :

الشعر والسفر ولا تهون الافلام

* اللون المفضل :

الابيض

* أسعد لحظة في حياتك :

تعيينى فى وزاره الصحه

* أتعس لحظة :

قعدتى فى البيت بعد التخرج
* آغلى هدية :
والله كثيره الهدياء بس من اهمها من والدي سياره ايام الثانويه

* كيف وصلت للمنتدى :
بسبب قصيده شاعر من شعار المنتدي

الشاعر ؟؟؟؟مولازم صح

*-سبب اختيارك لنك نيم حقك:

اهو يحكى

* عضو يعجبك :

والله كثير وخاصه الشعراءبس وربي كلهم فديتهم يعجبونى

* اسم مستعار اعجبك :

اسمك اختى روح سبيع ههههههههههه

* مبدأ تؤمن به :


احذر من عدوك مره واحذر من صديقك الف مره


* - طموحك في المستقبل :

اكيد زواج هههههه
لا اكيد الاستقرارو..........
و رضى ولدتى على طول الله بعمره ...قولو امين

كلمة تود قولها لأعضاء المنتدى :

كلن ودآآعته عمره

اختى روحي سبيع
يعطيك الف عافيه يالغلا
ولاعدمنا تميزك ..

والحين لاتنسين ترى فسحتي عليكع