ابو هاجوس
الله اكبر ياديارن مابها غيـر المجاعـه=يلفي الطرقي بها جوعان ويعود بجوعـه
والمساجد عندهم مابه إمامـن للجماعـه=وان تقدم واحدن ضيع سجوده من ركوعه
ماجد محمد القحم
الله اكبر مارجينا من هواجيسك طماعـه=ونت بسمٍ لنت ابن غانم ولنته من ربوعه
كل واحد حسب طبعه جاء يترجم بنطباعه=والمصلي فالصلاه بيعلن لربه خضوعـه
ابو هاجوس
ياعسى ماجد شجيع ويملك اسلوب الشجاعه = مايسوي مثل من ضيع ثلوثه في ربوعه
جيتكم في سوقكم تاجر وروج لي بضاعه = مار برجع ماشريت وبعت لي نفسن قنوعه
ماجد محمد القحم
لو عرفت الوادي الاقصى تباء تعرف سباعه=وانت لو ضيعت قلة الدرب صعبٍ لك طلوعه
جيتنا وبضاعتـك فيهـا الثنيـه والرباعـه=والجميح ان كان تعرف سلعته تعرف فروعه
ابو هاجوس
اوديتكم ممحله وبطونها صفصاف قاعه = واليتيم اليا بكا من عادتي ممسح دموعه
انت راع المركب اللي قام يوميبه شراعه = ثارت الامواج واتعبك بنزوله مع طلوعه
ماجد محمد القحم
لو ابو هاجوس يعرف كان يكشفلي قناعه=كان يبقاء الليل ساري ثم نشعله شموعه
مير اضنه ترتفع رجلاه وينزل خناعـه=عقب هاذي لو ابا اناديه مايرخي سموعه
ابو هاجوس
الحقيقه لو نشيع بطن ماجد بالاشاعه = كان نعرف بالاشاعه وش قهوته وش قدوعه
يحسب ان الناس مثل لنسدح رفع كراعه = طالت ارجول الولد والمشكله من قصر بوعه
مع الشكر الجزيل للشاعرين
.
غير متواجد حالياً
رد: الطارف يسد
