للتواصل لكم هذه الابيات لعلها تنال الاستحسان
تعرضت لي لعانه في محيط الرقه عصير=من عطرها المنعش النفاذ سوت لي حكايه
اسرع من البرق لمحتها وحومتها كما الطير=اذكر كما الحلم يوم استوقفتني في البدايه
تمكنت من نظر عيني وشاشت كأنها النير=ما عاد أشوف السما والارض ضاقت عن خطايه
تبسمت وقربت مني وقالت لي مسا الخير=حي الله ألي سهم حبه تمكن في حشايه
وأين انت ياما على شوفتك طرشت المداوير=من دون موعد قربت وجيت في حذفت عصايه!
لاتحسبن الامور سهود ناحر لك مخاطير=ان كان ما أنته قوي عزوم لا تتعب ورايه
الزين مطلوب والسوق كثروا فيه الهوامير=باموالهم جعلها في النار بذولي خفايه
قلت اعذريني من التقصير يابنت المناعير=ضميان والهرج دون فعول ما يقطع ظمايه
هذي عيون البشر ماتنحجب فينا مناظير=والي مضى عمًق جروح العنا يالله كفايه
ساقت عليه رموش العين سيفين ٍبواتير=وأغمي عليه بقيت اسبوع في قسم العنايه
لو كنت اهقوي بما جاني حرام صرم لانير=ابن آدم ان شاف حد السيف ييقن بالنهايه
هذي سنه يوم وجعانٍ ويوم أقول أنا بخير =والله عليم بتالي البهذله وآخر عنايه
« آخـــر الـــمـــشـــاركــــات »
غير متواجد حالياً
تبسمت وقربت
