السلام عليكم ورحمة الله وبركاته
يطيب لي أن أهدي للجميع هذه القصيدة والتي تعبر عن نفسها
وشاعرها هو الشاعر المبدع/عامرالشيب
ويقول:-
به ناس منحوسه وبه ناس محظوظه=وبه عالم سياسي وبه عالم رياضي
وكل(ن)يقدم لبدرالشيب معروضه=ويقول عامر علامه ناسي الماضي
أحد(ن)يقول إنه مسوي معي فوضه=وأحد إنتشلني وأنا من تحت الانقاضي
فزعاتهم لي صراحه صايره موضه=وكل(ن)بعقله على قول المثل راضي
وجهة نظرهم وفا لآخير مرفوضه=الظاميه من ظماها تكسر الحاضي
يابدر يابدر وش بالناس مغيوضه=ومعاد ترضى بحكم الشرع والقاضي
اللي خسر له خساره فالله يعوضه=أنا عن علوم خلق لله متغاضي
والكبر والكذب والإ الحكي والخوضه=في سالفه تافهه ماهي من ألفاضي
وبا آعلمك حاجه أو أقول ملحوظه=دنياك ياصاحبي ماأحد(ن)بها راضي
والله ماتسوى لها جناح باعوضه=تركض على الفاضي وتتعب على الفاضي