قصيدة الفيلم

	بسم الله الرحمن الرحيم قصيدة الفيلم Subject: الفلم جاهز عندنا ماعرضناه=موجود والتاخير ماهوب منا مير البعير شعيل ماعاد يبغاه=بعد الهدير امست عظامه تثنا نشدت زبن شعيل يازبن وش جاه=قال احمد الله جت على ماانتمنا العام شيخٍ يطرب النفس ملفاه=نلفي ضيوف وكننا عند اهلنا واليوم ياوجيه الوفا دج ملخاه=تكالبت دنياه منا ومنا من يبخل بجاهه متى صار له جاه=لو كان عالم واكبر الناس سنا حاطت بنا بعض الظروف ونخيناه= لامن ظلال ولاحفظنا رهنا ماجيته اشكي الهم من سعر مقضاه=ادري عزومه دونها يقصرنا لاشك انا جيته على شي يقواه=ارجي بروقٍ سيلها ماشملنا يازبن لو انه تعذر عذرناه=ولو جات بسلوم العرب مازعلنا مير البلا من طق صدره بيمناه=واطلق سهامه فالخلا وكذبنا شاور ضعيف الراي واخلف نواياه=وارخا يدينه كن في يديه حنا خايف يقدم شي فينا وننساه=لامن عسرات الليالي ضونا حنا ليا قلنا كلامٍ حميناه=وليا مشينا كل دربٍ وصلنا وليا نخانا مشتكي جور دنياه=يلقى المروه والوفا لازبنا الشعر انا ذروة سنامه ومغناه=الجن اظنه في حروفي تغنا قاضي ولبا دعوتي نخبة اقضاه = ارداهم اللي مثل سيف المثنى وردتهم عدٍ على شف مضماه=منه السبال الغانمه يسلمنا عدٍ شحيح من البطا شاحبٍ ماه=وطيور بقعا في حيوده هونا تشاورو دونه وكفو من ادناه=قالو حشا مايلحق مطير ظنا الكل منهم ضمّد الجرح واخفاه=تقدير لن الوضع فينا ومنا وش موقفك لو عّدّو اللي فعلناه=تقدر بعدها في منامك تهنا موقف زرا صعبٍ على الرجل ينساه=وبلوىٍ بها رب العباد امتحنا يلي تهوز الظلع منته بوياه=قدمك سباعٍ جارحه كد رقّنا وان كنت تقدر ياابيض الوجه ترقاه=الحر لاجت فرصته ماتونا الحق قبل لاتلحق امقاط وارشاه=اشوف من حولك قصورٍ تبنا بايدي رجالٍ توصل العلم منهاه= عاندتهم يوم ان حظك تدّنا من يعتمد مثلك على شور مرضاه=ماله صحيب ولارفيقٍ يثنا يقضي حياته كلبوها بعمياه=يمسي ويصبح بين قالو وقلنا وان شاف جمعٍ مايبى غير فرقاه=حنا ترانا الجمع والجمع حنا

صح لسانك يا أبو حمد على هذه الجزله والمعنى في بطن الشاعر ...وقد أفتقدناك يا رجل فلا تجعل غيابك يطول

صح لسانك أخوي عبدالرحمن العقيلي

المشاركة الأصلية كتبت بواسطة أبن مصاول

صح لسانك يا أبو حمد على هذه الجزله والمعنى في بطن الشاعر ...وقد أفتقدناك يا رجل فلا تجعل غيابك يطول

مرحبا ملاييين يابوضيف الله
صح بدنك وشهاتك غالية بلاشك ونعتذر منكم عن الانقطاع الغير ارادي لاسباب اخبرتكم بها مسبقا وعودتنا قريبه
باذن الله تعالى
تقبل فائق احترامي

المشاركة الأصلية كتبت بواسطة ملكة القوافي

صح لسانك أخوي عبدالرحمن العقيلي

صح بدنك ملايين ياملكة

شكرااا جزيلا ع المرور

جل التقدير

صح لسانك ياعبدالرحمن العقيلي

حنـا ليـا قلنـا كـلامٍ حميـنـاه .....وليـا مشينـا كـل دربٍ وصلنـا

صح لسانك وشعرك عدد كل حرف كتبته يابو حمد
وكفو يالحر وان اشهد انك فجرت قنبله بها الابيات
قصيده جزله من راس جزل واوفي يالعقيلي
عز الله اني ششت معها
تقبل اعجابي وتقديري
.

صح لساانك اخوي عبدالرحمن ويعطيك العافية

المشاركة الأصلية كتبت بواسطة الدولي

صح لسانك ياعبدالرحمن العقيلي

حنـا ليـا قلنـا كـلامٍ حميـنـاه .....وليـا مشينـا كـل دربٍ وصلنـا

صح بدنك ملاييييين ياالدولي

لاهنت على المرور يسلم ذوقك

جل التقدير

المشاركة الأصلية كتبت بواسطة ابن الشاعر

صح لسانك وشعرك عدد كل حرف كتبته يابو حمد
وكفو يالحر وان اشهد انك فجرت قنبله بها الابيات
قصيده جزله من راس جزل واوفي يالعقيلي
عز الله اني ششت معها
تقبل اعجابي وتقديري
.

ابن الشاعر صح بدنك

ويسلم راااسك لاهنت ايضا اطراء حماسي ورائع وهذاا من طيب اصلك لاهنت يااكحيلان

تقبل جل تقديري