الارض جفت والسماء عنها اجذبت ::: الشاعر سعد بن سلطان الرخيمي

الارض جفت والسماء عنها اجذبت=وضيم الدهر منه انحنت خضر الغصون
حتت ورقها الشــامخه ثم انحنــــت=مثل الحزين اللــي مـن الوقــت مغبــون
والناقه العرّى على الدرب بركـت=لــحــالهــا وتحــنن القـلـــــب الـحنــــون
تعطيلهــا رزامه وتــاخذ وسكــتت=والضيــف تقــراه العــوارف فالعيـــــون
لو جــت نبي الله سليمان وحكــت=وقالــــــت بما لاتفعلـــــــونه تبتلـــــــون
يمكن تهتز الارض لاجته وبكــت=ويدعــي بــدعوة نــوح على الكـــافرون
الدعوه اللــي ماقالت ولاتركـــت=على ظهرهـــــا راس مــــال ولابنــون
حنـــا بتالي الوقت والدنيا متكت=ونشـــوف شي ماهقينـــــا انــه يكـــــون
منزل طوال الروس له ناس ملكت=واهله راحوا علم غيب السابقـــون
والامعه قامت تفرنك وافنكــت=نبتت لهـــــا من فوق اذانيهـــا قــــــــرون
تغز بالنظـــره وللخشم افركت=وتبّين اطـــــــراف النواجـــــــد والســـنون
يالامعه زانت بوجهك واضحكت=هزيلهـــــــا يالامعه روس المتـــــــون
قال الرسول اذا الربيضات فنكت=انتظروا الريح الحمر ماتمطـــــــــرون
وجت منزل الروس الربيضه وارتكت=لارحنبوا تبغى تجيب لنا الجنون
اما بصيحة سؤء للناس اهلكت=والا بــــــريح ماتخلــــي ماتبــــون
مافي المعاصي خير والناس اشركت=واللي ماهو مشرك عصاه مداهنون
ياقل ماشفنا عوارف وادركت=يمكـــــن ثلاثــــه بالميـــــه لا والله ادون

الشاعر / سعد بن سلطان الرخيمي

.

الله الله على هالقصيده الشامخه للشاعر الرمز سعد بن سلطان الرخيمي واللتي تجسد واقعنا وتعريه لنا للأسف هذا هو الحال يابوسلطان لاكن نتفائل بخير فالدنيا لازال بها من الخير الكثير عسى ربك ان يعدل
الحال شكرا اخوي ابن قينان على النقل الجميل دمت بخير

يا هلا وغلا فيك أخ أبن قينان

لا هنت على النقل المميز

ومثل الشاعر الكبير سعد الرخيمي

قل أن يجارى شعره وقل من يتقن قوة البيت وبعد المعنى الغوي مثل هذا

الهامه فمن يقرأ القصيده لأول مره يتوجس بداخله بأن القصيده ليسة موزونه

فأذا عاد قرأءتها تتغير اذا لدى القارئ ثقافه .

لأن فيها من الوقفات الألزاميه التي لا يجيدها سواء شاعرها

لأنه أراد التعجيز والأنفراد بهذا الأسلوب عن غيره

فذلك يميز الشاعر كثيراً عن من سواه

ومثل هذه المميزات الفرديه لدى بعض الشعراء

أكبر حافظ لحقوقه الشعريه لأن المتلقي بمجرد قراءته يعرف من الأسلوب

كاتب هذه القصيده حتى وأن لم يسمعها من قبل ..!!

فمن خلال هذا البيتين أكتملت الصوره التي ربما تسلط الضؤ على بعض أحداث

نعيشها هذه الفتره وكأن الشاعر يحاكي واقع اليوم ..

منزل طوال الرؤؤس له ناس ملكت ::: واهله راحوا علم غيب السابقـــون

والامعه قامت تفرنك وافنكــت ::: نبتت لهـــــا من فوق اذانيهـــا قــــــــرون

تغز بالنظـــره وللخشم افركت ::: وتبين اطـــــــراف النواجـــــــد والســـنون

يالامعه زانت بوجهك واضحكت ::: هزيلهـــــــا يالامعه رؤؤس المتـــــــون

وتقبلوا مرور


أخوكم : ابو سلطان

صح لسان ابو سلطان على القصيده

صح لسان الشاعر الكبير / سعد ابن سلطان الرخيمي
ولا يستغرب على ابو سلطان الجزاله وقوة المعنى فهو غني عن التعريف

ولاهنت اخوي ابن قينان على نقلك المميز لهذه القصيده
.

صح السان ابو سلطان ع القصيده الرائعه

صح السان الشاعر

النبي صلى الله عليه وسلم ماقال هذا الكلام


قال الرسـول اذا الربيضـات فنكـت ا نتظروا الريـح الحمـر ماتمطـرون

صح لسان الشاعر الكبير سعد بن سلطان الرخيمي وخلاصة قوله هو القول السائد :

صفا لكِ الجو فبيضي وأصفري..

وما أسقاطه على حديث الرسول صلوات الله وسلامه في تفسير معنى الرويبضة إلا دليل على سعة مدارك الشاعر وإن كان بسيطاً في حديثه ومظهره..

رواى الإمام أحمد والبيهقي والحاكم عن أبي هريرة قال قال رسول الله صلى الله عليه وسلم: "سيأتي على الناس سنوات خداعات يصدق فيها الكاذب و يكذب فيها الصادق و يؤتمن فيها الخائن و يخون فيها الأمين و ينطق فيها الرويبضة قيل: وما الرويبضة؟ قال: الرجل التافه يتكلم في أمر العامة. ‌
قال الألباني (صحيح) انظر حديث رقم: 3650 في صحيح الجامع.‌
.

صح لسانك يا أبو سلطان وقصيدة من جزل القصيد

صح لسانك....الله يعطيك العافيه...