نفحة الريحان / محمد عامر بن نيف

من مكتبة بن نيف
( حصري ) لمنتديات الموازين
من قديم محمد عامر بن نيف

نفحة الريحان ( من نوع السهل الممتنع )

يا نفحة الريحان وش ذا القطيعة=ما ذي بعاداتـك ولا ذي طبايعك
أذكرك هتان السحاب وربيعه=ما أحلا ذعاذيعك وما أحلا مرابعك
قالوا لي إنك للطواري منيعه=حتى استبدن بك وقضن مضاجعك
جيتي سريعة وانصرفتي سريعة=بالدمعتين وحزنك اللي سرى معك
دخيل عينك والجبين ولميعه=خلي لحون الشوق تطرب مسامعك
ما ابي الفجيعة لعنبوها الفجيعة=يلوعني ضعفين وجدٍ يلاوعك
تضيق بي جرد القفـار الوسيعة=إليا هما قطر الندى من مدامعك
قدرك ومنزلـتـك بقلبي رفيعـة=وأعز ذكرك من معزة منابعك
خذتي بمضمـار المهار .. الطليعة=والله ليبـطي من عليها ينازعك
شفتك بديعة واختفيتي بديعة=وأصبح ذهولي بدعة من بدايعك
كانـه تـغـلي فالـتـغـلي طبيعة=باهـي دلالك يمنع اللي يمانعك
وكانـه جفـا .. ردي علي الوديعـة=قلـبٍ يقالبــه النـوى بين اصابعـك

صح لسان الشاعر محمد بن نيف سيل متدفق من القصائد الجزله ابدعت اخي الطود في ايرادها لنا دمت بخير

حي الطود وحي ماجاب ..

صح لسان الشاعر الكبير والمبدع محمد بن نيف على هذه الأبيات ..



وكل الشكر لك أخوي ع طرحها ..

صح لسان الشاعر على القصيده

تـضـيــق بــــي جــــرد الـقــفــار الـوسـيـعــة=إلـيـا هـمـا قـطـر الـنـدى مــن مـدامـعـك

صح لسان الشاعر الكبير وقصيدة أقل ما يقال عنها أنها جزله ونشكر الشاعر الكبير"محمد بن نيف" على اختصاصنا بها وحصريتها لمنتديات نخبة الموازين.

كما نشكر عضونا المميز دئماً الطود على نقله لهذا الشعر الرفيع الى منتدياتنا فهو طود النجاة لنا من الشعر الردئ الذي تتلاطم أمواجه من حولنا فمن فترة لأخرى يقذف لنا بطود من الشعر الجزل ينقذنا به ...حتى يصل طود آخر

صح لسان الشاعر بن نيف ومشكور على نقل القصيده

ألف ألف شكر
على
مشاعركم الطيبة ومروركم العطر