يالي تبي حضك يجيك بفوايد=أتلوم حضك والبلاء من تصرفك
اضربها ودعس على كل كايد=مدام حضك في طريقك يخالفك
لو كان صبرك باقين له شرايد=ماهو على بعض المراحل مساعفك
غير مسارك لو تشوف النكايد=من قلب صامل ما تخونه عواطفك
خلك مع آهل المعرفة لاتحايد=حتى تجي فالموقف إلي يشرفك
وقت الرخاء ولا بوقت الشدايد=عينك تشوف إلي يقدر مواقفك
لاصار مالك من جهودك سنايد=وسط المجالس ما تفيدك سوالفك
نظرك خله للأمور البعايد=فالي يجي ويروح محد(ن) مكلفك
ترى العرب لهم اسلوم وعوايد=واليا فعلت الطيبه ماتحسفك
العمر فيه النقص ماهو بزايد=لا بد ياتي يوم تطوى صحايفك
الشاعر/الحميدي بن فارس بن مدلج