اهداء للاخ سامي

السلام عليكم ورحمة الله وبركاته


هذه مشاركه متواضعه واتمنى ان تحوز على رضاكم وان ترتقي لمستوى ذائقتكم الرفيعه واليكم النص المتواضع

ياسامي العوني سلام وتحيات=تاصلك مني يارفيع المقامي
تعبر مع اللاسلكي الاتصالات=بشاشة الجوال والقاف حامي
وبعد التحيه يازبون المهمات=دامك رفيقي وانت شاعر عصامي
ابشتكيلك من فراق الحسينات=اللي على فرقاهن القلب ظامي
لامرني من طاري الشوق هيهات=اسج لوني جالسن بالدوامي
ياصاحبي والشوق للقلب بسكات=يدخل عليه دون صوت وكلامي
ياوجد حالي من قرار الاجازات=قالوا ترا ممنوع منعن نظامي
والمشكله قلبي يحب البشوات= اللي بوسط القاهره واغرامي
ناسن كريمه تكرم الرجل بالذات=تعطيه كل اللي يبي ياسلامي
يالله عساها تلتغي هالقرارات=واخذ اجازه ثم تروى الظوامي
ياصاحبي سامي عليك المناجات=يابن الرجال الوافيه والحشامي
وابغى ردودك ياعشير المروات=لعلها تطفي لهيب الهيامي
وختامها تاصلك مني تحيات=مع كل تقديري وجل احترامي

وتقبلو ودي وتقديري واحترامي


أخوكم/فزاااااع

صح لسانك اخوي ولا هنت على هالقصيدة الطيبه ...مع أن الشوق فيها ليس شوق بقدر ماهو رغبه , المعاني يجب أن نختارها بكل دقه حتى لا تؤخذ ضدنا ..

مع أنك واضح شاعر ومتمكن ..

أبن مصاول

صح لسانك اخوي فزاع على هالقصيده الجميله

صح لسانك فزاع على القصيده وبيض الله وجهك وان شالله يعطونك اجازه

صح لسانك اخوي فزاااع وبيض الله وجهك من خلال القصيده

نستبشر بشاعر جديد في منتديتناء يحمل كل ابداع الله يوفقك

تقبل مروري وتقديري واحترامي

ابن مصاول


صح بدنك وبيض الله وجهك على الكلام الطيب

وتوضيح هو فعلاَ شوق الى الرغبه اللتي تطرقت لها


ولاهنت يالقرم واستاذ يابن مصاول

اخوي فهد بن صحران

صح بدنك ولاهنت على المرور يالغالي

اخوي بناخي الزحزوح

صح بدنك والله يسلمك على الاطرا الطيب

ولك ودي

عز الخوي صح بدنك

والاجازه ماخذينها ماخذينها الله لايعوق هههه

ولاهنت على الكلام الطيب

صح لسانك مليون

رائع وسجلت أعجابي بك من خلال هذهـ الرائعه