ألحـزينة

يامل قلبٍ يشتكي كل الاوجاع=الهم خيم به وغطى فروعه
همٍ تغلغل في الحشا وسط الأضلاع=لحق فرح قلبي وطفى شموعه
اليا ذكرت حبيّب القلب ينلاع=دنيا لتفريق الحبايب خدوعه
منساه لين أحط في حفره القاع=حزنه سكن قلبي من اول اسبوعه
دنياً على غفله تكيللك بالصاع=عقب الحلاء تسقيك مر وتزوعه
لو زانت الدنيا وأخذت لك مرباع=صرم خضاره والهبايب تلوعه
من قصرها لو كان مسكنك بشراع=يكفيك عن قصر الترف والميوعه
واليا غنمت الدين مع حسن الاطباع=مافات من دنياك صعباً رجوعه
ولوالدينك يافتى صير مطواع=اول مبرتهم تراها المطوعه
وفالربع والانساب لاتصير قطاع=قطع اللحم لازم يفرق جموعه
وهرج القفى لـ الناس تخريب الاوضاع=نمام والنقال يرخي سموعه
منبوذ من صفوه هل الدين بجمـاع=اللي لحوم الناس دايم قدوعه



وسلإمتكم ....

صح لسااانك يابونافع,,جزل ولاتجيب الا الجزل قصيده تفوح بالنصائح من واقع تجربه
شاعر مخضرم,,,تحياتي لك ويبدو هنالك خطأ املائي فالبيت الاول(فورعه)اتوقع انها(فروعه)
تقبل مروري يابن العم

شكرا يابو راكان : على مرورك العطر . " ومشكور " على ملاحظتك لـ الخطاء الاملائي وتـم .. تعـديلـه
تقبل تحيــــــــااتي .. يإبن العـم

صح لسانك يابونافع

صح لسانك يابو نافع وقصيده جزله ونصائح رائعه

ابونافع
قصيده مؤثره جدا ونصائح من ذهب
والقصيده تحمل طابع الرثاء في ابياتها السبع الاولى وفي الخمس الاخيره تحمل نصائح مهمه جدا 000
وهذا ابونافع كما عهدناه لايأتي الابالمفيد

صح لسانك وتقبل اعجابي واستمتاعي بهذه القصيده

صح لساااانك
انتقاء ذو ذائقه مميزه وعرض جميل لكلمات راااقيه جميله
حروفك رسمت أحلى اللوحات واجمل العبارات
كل الشكر علي طرحك الراائع وعلي المشاركة المميزه
دمتـــ بودــــي ... ننتظر جديدك

آبوركآن شكرإْ على مرورك تقبل تحيآتي

ابن مشدد مشكور على مرورك مني كل الشكر والاحترآم

عبدالرحمن بن غلاب مرورك عطر تعبيرك رآئـع ذوقك رفيع الله لا يهينك ومشكور تقبل تحيآتي