ياعزوتي ياسعود قم ولم الجيب

ياعزوتي ياسعود قم ولم الجيب=مشوارنا ياسعود ماهو قريبي
شيك عليه ورتب العفش ترتيب=خابرك انا ياسعود قلبك لبيبي
فالمرجله وقت السفر لك هناديب=وان زادت الشدات تزداد طيبي
شيل الدلال الصفر مع شنطة الطيب=وبريةً ياسعود مثل الحليبي
بريةً ماخزنت فالدواليب=ولاحافها الخادم لعله يخيبي
وليا مشينا مر راع المواجيب=سلايل الي يركبون السبيبي
هذاك ابو خالد قليل العذاريب=مازت في مدحه وربي رقيبي
ربعاً لغتهم للمسير تراحيب=ذباحت الحايل كعام الطليبي
ومن بعدهم نبغا ديار الاجانيب=شمال من يم الصحن للمغيبي
دارً خلى مدهال عوج العراقيب=فيها الثعل والبوم جاله نحيبي
ومن اول الوسمي عليها تشاريب=سيل الشغايا حولت فالشعيبي
ومعنا قطاميً عيونه مشاهيب=من دار فارس تو جانا قضيبي
ورحنا على الحروه عجال ومذاهيب=وطحنا على الحفان منا هريبي
وّترفع الهداد باعلى المراقيب=والي على الجره نشب فالجذيبي
وطارت وهدينا حداد المخاليب=تقول نجمً هاويً للمغيبي
وحش خلا للصيد عنده تجاريب=للطايره والدارجه مايهيبي
وزان المعشى ياطوال الاشانيب=في خايعاً مافيه صوتً قريبي
وجات السوالف والقصص والتعاجيب=من خيرة الي يقهرون الحريبي
ربعي ذوي ميزان يوم المراكيب=كم شيخ قوماً حولوبه تريبي

وسلامتكم... وكل عام وانتم بخير

صح لسانك شاعرنا مسند وقصيده جزله من شاعراٌ جزل

صح لسانك يامسند وقصيده في قمة الروعه

صح لسان الشاعر مسند والله يعطيك العافيه على هالجزله

صح لسانك يامسند
ويعطيك العافيه

--------------------------------------------------------------------------------

صح لسانك يامسند وقصيده في قمة الروعه

صح لسانك يامسند على هالشامخة

الله ..الله..الله ما شاء الله لا إله إلا الله صح لسانك اخوي مسند وقصيدة كلها جزالة ومعاني ترتقي الى الفخامة أرتقاءاً لله درك على هذه القصيدة التي توارد سردها الجميل ونقلها الرائع من صورة الى اخرى أستمتعت بقرأتها وقرأة أبيتها بيتاً بيتاً والقطامي الله يعطيكم من خيره ويكفيه العين


وقد تم منحك وسام التميز لأنك تستحق ذلك.

أبن مصاول

صح لسانك يا مسند قصيده جزله من رجال اجزل

مشكور يابن مشدد على مرورك العطر تقبل تحياتي