السلام عليكم ورحمة الله وبركاته :
للشاعر القدير محمد عوض السرور الديحاني..في الشيخ عقوب بن ذعار الحميداني
بمناسبة زواج ابناءه واليكم القصيده:
السيل ياديرة ابـو ذعـار يسقيـك
من مزنـة هلـت المـاء عقربيـه
بيت طرالي بعـد ماجيـت ناصيـك
في ليلة جيـت سـاري سرمديـه
للي وطى الداب وأنيابـه مشاويـك
ووقاه ربي مـن أسبـاب المنيـه
راعيه راعيك الأول جـد راعيـك
عقوب وعقوب هذا عقـوب زيـه
الله يبيحـه و يبقينـا و يحمـيـك
ويحفظك من كل شـر وسـو نيـه
وإن كنت مزعلك والله دين لرضيك
ومثلك لو أخطيت مايزعـل عليـه
حيث إني أغليك ثم أغليك وأغليـك
ياديـرة اولاد عـلـي الثامـريـه
وتستاهلين الغلا من طيب اهاليـك
بالوقـت هـذا ووقـت الجاهليـه
حاضرك صوره حقيقيـه لماضيـك
و تاريخـك يعيـد نفسـه يالأبيـه
انجبتي اللـي يحلـون الشرابيـك
أللي على أهل القبور ابهـم حميـه
من فعلهم بالنفـود اللـي حواليـك
سالفـة مبينـه مـاهـي خفـيـه
جضع الرياجيل من ضرب المشاويك
وجضع المواتر من النـار اللضيـه
ذكرني أهل العشر فالمعركـه ذيـك
وفعـل العبيـات يـوم العـاذريـه
هذا السبب في نظر عينـي معليـك
من بد الأوطان فـي نجـد العذيـه
والثانيـه يالعصيـه فعـل راعيـك
عقوب يوم أرتكـى لحـل القضيـه
وانا ياشيخ الدويله جيـت أهنيـك
بالليلـه اللـي كتبهـا الله هنـيـه
اعياد وأمطـار وأفـراح وتباريـك
وجمعـة رفاقـه وعـود وشاذليـه
في حفلة إعيالك وحضرة بنيخيـك
تقبـل اسمـى التهانـي والتحيـه