مساجله شعرية

قام الشيخ عبدالمحسن بن جبرين بزيارة الى ديار الموازين قبل عدة ايام وتجول في ربيع حسلات ويرافقه كلا من الشاعر المعروف عماش العسيلي البديري ومدير المجمع القروي بمركز العمار

وكان في استقبالهم الشيخ خاتم بن عميش القحم رئيس مركز الظاهريه والاخ فالح بن غالب بن بديد القائم على هجرة رشيده والاخ هايف بن هجهوج بن بديد والاخ مسعود بن غلاب بن بديد حيث قامو بأداء الواجب تجاه الضيف الكريم ومرافقيه وحضيو بالحفاوه والتكريم من قبل الاسماء المذكوره
ولم يستغرب الجود من اهل الجود وابن جبرين يستاهل كل خير

وعند عودتهم الى مركز العمار عبر الشاعر عماش العسيلي عن ماوجدوه من حفاوه وتكريم في عدة ابيات

وهي

رحله سعيده ورحله غايت الفله = خوة نشاما تسلي كل الاطرافي
ياحلوها رحلةٍ فيها الحلا كله = اناسةٍ مابعدها والله الكافي
نمشي على امر الامير وشيخ عبدالله = شيخٍ يذري ذراه وبشته الضافي
محسن محمد يعقد الحبل ويحله = له وقفةٍ طيبه بالضيق وتشافي
وخوة مدير المجمع تبري العله = خوة شكاله وخوة طيب وسنافي
الجيب تله يابو مقرن ودبل له = نبي الغدا عند رجلٍ يكرم اللافي
قولة هلا واقلطو دايم وطبعٍ له = عند ابو عبد الاله وعادته يافي
قلط غدانا وقبله قلط الدله = ومن عند خاتم مشينا يم ابو شافي
وبنا خيامه وفالخيمه فرش زله = ورحب وهلا وهايف فعله يشافي
وابو شليويح فالح ياحلو دله = يضحك حجاجه وله وقفه وميقافي
ومسعود قدم لنا الماجوب في حله = ومع الذبايح لبن من حمر الاشعافي
حليب خلفات يملا السطل ويزله = ويدار بالسطل ويسوقه بمغرافي
نعم الرياجيل فعل الطيب منصله = حيلٍ تقدم لنا والواجب يشافي

ورد عليه الشاعر هايف بن هجهوج بهذه الابيات

مجيكم يالعسيلي كان فـــي حــلة = حياكم الله عدد من حج وطافــي
عماش راعي وفاء والطيب محتلـــة = شعرك ذهب مايجيبه كل صرافي
وقفت باسم القبيلة وانت كفولـــة = يوم الرسايل نصتك وجابها اللافـي
انتم وشيخ العبادل حـي هالطلـــة = هذاك محسن يقول وبالوعد يافـي
سيف لنا في نهار الضيق ونسلـــة = عز القبيلة الى بانن الاهدافــي
المعجزة عند محسن طبع وجبلـــة = كبدة نصفها لبوه وقـام متعافـي
ماهي غريبة عليه الطيب ياصلـــة = ابوه قدامهم من ماضي الاسلافـي
يوم انها في الجزيرة كون وشكلة = ترعابهم ذود عبدالله بالاريافـي
عينت شادي نهار يعلن الذلـــة = اطلق احبال المطية غصب ماعافي

صح لسان شعارنا والله يجعل اللطيب من ربعنا مشكور ابن غلاب على هالنقل وفقك الله

صح لسان العسيلي وهايف بن هجهوج....ولا هي بغريبة الكرم على العبادل والأمير عبدالمحسن بن جبرين هو موطن الكرم ..وبيض الله وجيه من أستقبلوه سواء أبو عبدالإله أو البديدات وهم اهل الكرم .

نشكرك أخي أبن غلاب لنقل القصائد لنا وبيض الله وجهك فقد أخبرتنا عن هذه الزيارة للأمير وصحبه لكرام الموازين.

أبن مصاول

اولا ارحب بك اخي الشامخ في منتديات الموازين

ثانيا المعذره على الخطاء المطبعي واشكرك على التنبيه

الله يسلمك يالغالي



وكلنا في خدمة الشعر

صح لسان شعارنا
لك مني أجمل تحية .
مشكور ابن غلاب

شـكــ وبارك الله فيك ـــرا لك ... لك مني أجمل تحية . على هالنقل الرائع


وألف شكرررررررررررررررررر لمن قام بالواجب بحق الشيخ ابن جبرين