البارحه قمت اتفكر لحالي ...

اعضاء هذا المنتدى الكرام هذي قصيدة للشاعر /خلف بن فيحان الدجيماء

وفيها لغز وجهها إلى احد اصدقائه فيقول الشاعر خلف :

البارحه قمت اتفكر لحالي=وقامت علي تطري طواري كثيره
يالله يالمعبود منشي الخيالي=ياعلم(ن)بالبينة والسريره
تغفر ذنوبي ياعزيز الجلالي=وجميع مسلم من جهنم تجيره
يابو علي فالوقت ميل وعدالي=اليا صفى يوم(ن)ضهر يوم(ن)غيره
مذكورتن في ماضيات الليالي =ماهي وليدة بالليال الأخيره
مدري كيف ابدا مير يابن الحلالي=عندي سؤال فيه محتار حيره
انشدك عن رجل(ن)طويل(ن)هلالي=طال النجوم يوم انسدح حظ غيره
بالطيب يذكر عند كل الرجالي=ماهو ردي ولا يمينه قصيره
ومن الكرم ماله يافاطم مثالي=اكرم من ابن مهيد وسط الجزيره
واليا عطى يعطي نفيس الحلالي=والظالعة والهازلة بالحظيره
انشهد ان هذا كريم السبالي=كلن يقول يارب كثر بخيره
ياخذ من راسه ماسمع هرج خالي=وهل العقول النيرة تستشيره
واليا مشى يمشي مع اهل المعالي=وهذي صفاته بالصفات المنيره
ماقل دل وش تبي بالطوالي=واطلب عسى بالامر خيرا ً وخيره
عطني جوابك بعد طرح السؤالي=مني على حظرتك يابن العشيره

وهذا رد الشاعر فاطم يقول:

الله هو اللي له جميع الكمالي=سبحانه المعبود لا إله غيره
يامرحبابك ياصدوق المقالي=انت الشجاع اللي سليم(ن)ضميره
هذا يابن فيحان طبع الليالي=كم واحد(ن)يالقرم حاسه مريره
ياكثر من منها يذوق النكالي=عقب الفرح يصبح بحالة خطيره
واحلى من المي القراح الزلالي=للبعض ولا البعض تقلع مصيره
فيها الخبل يامر وينهى وغالي=وطالت ايدينه عقب ماهي قصيره
ويوم انت تسأل عن هذاك الهلالي=خذ الاجابة لاخذتك المغيره
الحر ميقاعه بروس الطوالي=ما ياقع إلا بجبال(ن)عسيره
وصيده جزيل ولا يصيد الهزالي=ومخالبه مثل السيوف الشطيره
خطو أشقر(ن)قلبه من الخوف خالي=الله من كل المصايب يجيره
ذاك الزمان اللي به المر حالي=كنا بنعمه يالمطيري كبيره
واليوم دور معقدين الحبالي=كسيرتن ياكبرها من كسيره
كم من غبين(ن)ماحسب للتوالي=وشر(ن)على كل الوجيه السفيره
والصبر مفتاح الفرج لاتبالي=الله جعل بعد العسيره يسيره
خلك على ما قيل صدرك شمالي=ولاتلتفت للناقصه والحقيره

واعذرونا على طريقة كتابة القصيدة ولكم جزيل الشكر .

شـكــ وبارك الله فيك ـــرا لك ... لك مني أجمل تحية .

مشكور يابو تركي على النقل

وصح لسان ابو محمد وصح لسان فاطم

صحت السنتهم وكلام ارجال لرجال ولايفهمه ياكود شرواهم

وبارك الله فيك اخي ابا تركي

صح لسان ابو محمد وصح لسان فاطم

صح لسان الشاعر خلف و صح لسان الشاعر فاطم
عندما شبها الرجل الطيب بأفعاله و أقواله كالحر الذي ينقض على فريسته بمخالبه القوية و يعيش في الجبال الشاهقة
و بالزمان الذي يمر وقته على الناس اما يكون جائرا و مذاقه مرا و اما يكون عادلا و مذاقه حلوا

فخر لي ان اقرأ ردودكم وآرائكم حول القصيدة

اشكركم جزيل الشكر ...

صح لسان ابو محمد والشاعر فاطم ومشكور يابو تركي على النقل ولاتحرمنا من جديد ابو محمد تكفى يابو تركي

مبدع يابو تركي في جميع مواضيعك ومشكور على نقل القصيدتين وصحة السنة شعارها

ولك فائق احترامي

الله لايهينكم جميعا على ردودكم السارة