قاهرتهم هالعبايه مايبون الستر دوم...............

غير متواجد حالياً

قاهرتهم هالعبايه مايبون الستر دوم
________________________________________
العبايه عولموها وانفثو فيها السموم
من ملاهي الرقص جابوا فكر تخصير العباة

ظيقوا صدر العباة ووسعوا طرف الكموم
ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم
والغبية تحسبنها زايده زين وحــــــــــــلاة

والبراقع دلعوها لين عام الخد عوم
لازم القرضه توسع والكحل يلقى الحــــياة

طوروا شكل النقاب وصارت الدعوه علوم
صار شفاف(ن) يوضح خدها ويا الشـــــــفاة

وآخر الصرعه لثام(ن) يفتن الرجل العزوم
والفتن قالوا ضلاله للقلوب المؤمنـــــــــات

وش علامك بنت حوا تستبيحين السلوم
أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم
جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم
وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم
قايمه تحت المعادي لجل عين الشامخــــــات

من ظلمها يوم قام المعتصم من عز نوم
قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم
قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم
وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم
وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم
العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم
لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم
أو تراه ألفين خكري يكتبون الذكريــــــــــات

ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم
إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم
أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم
يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم
عولمتهم لو أعرفها طلع معنى الشـــــــــــتات

ظيقوا صدر العباة ووسعوا طرف الكموم
وبيجي يوم(ن) نشوف شقوق في وسط العبــــاة

صح لسان قاايلها

غير متواجد حالياً

صح لسان قايلها وسلمت يد ناقلها

شدني هذين البيتين:

اقتباس:

من ظلمها يوم قام المعتصم من عز نوم
قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم
قال هذا حق منهو يستذل الطـــــــــــاهرات

يذكرنا بنجدة المعتصم للمرأة المسلمة التي لأجلها جيش الجيوش وكانت بسببها معركة عمورية على أصح الروايات.

يقول أبو تمام :

يا يومَ وقعةِ عمّوريّة انصرفت= منك المُنى حُفّلاً معسولة الحَلَب
أبقيت جد بني الإسلام في صَعَد= والمشركين ودار الشرك في صَبَب

والكن السؤال يبقى من الشاعر؟؟

اليس بناصر القحطاني ؟؟

أبن مصاول

غير متواجد حالياً

مشكورة اختي اريج على النقل المميز وصح لسان قائلها والله يسترعلى جميع بنات المسلمين

غير متواجد حالياً

العبايه عولموها وانفثو فيها السموم
من ملاهي الرقص جابوا فكر تخصير العباة

ظيقوا صدر العباة ووسعوا طرف الكموم
ونزلوها لين وصلت آخر أكتاف الفــــــــتاة

صح السان الشاعر ....والله ماشوف حلاة الوحده الى بعباة الراس الله يسترنا ويستر بنات المسلمين

شكراً لك على هذاء النقل المميز