ابن صحران بي ضيقه عن الفين ضيقه = جاملت لين أني من الصمت مليت

غير متواجد حالياً

السلام عليكم

لتوووواصل

بعد الغياب وظروف الحياة

ان شاء الله تنال رضاكم واعجابكم

ابن صحران بي ضيقه عن الفين ضيقه = جاملت لين أني من الصمت مليت
حاولت أجاريها بأية طريقه =أبي تحس بلوعتي لكن أزريت
ودي أوضح لك علوم دقيقه =لأنك أخوي وعزوتي لاتعزويت
أحيان صعب أنك تقول الحقيقه =لان النتايج كل ابوها تناهيت
أن جبتها صارت جروحي عميقه =ولا خفيتها الله وكيلك تعنيت
شفت الجبال العاليات الشهيقه =أنا على القمه بطيبي تعليت
اللي يبي قربي ابا بل ريقه =وابقى معه طول الزمن ماتخليت
والا الرفيق اللي يخون برفيقه =صديت عنه ولا تكلمت واقفيت
اللي يلمع في عيوني بريقه =لايعترف بالحق ولاقال انا اخطيت
ماهمني لو هو تزايد نعيقة =ما ضرني لوقال سوى وسويت
بيني وبينه سور وباب الحديقة =الحي يحيي بس غبنك من الميت
قفل على باب الصديق وصديقة =النار ماتالع بليا كباريت
الجادل اللي بوسط قلبي غريقه =ياليتني في حبها ماتماديت
جت ولقت كل المشاعر طليقه =وتمكنت في داخلي لين حبيت
طالت بها الغيبه ولا اعرف طريقه =ياليت ادري ليه غابت و ياليت
ادري عن اخباره وتطفي الحريقه =اللي بوسط القلب يازين شبيت
شفت الغلا الى أندفع لو تعيقه =يبقى على طول الزمن لو تغليت
خصن الى صارت حباله وثيقه =يتعبك كان أنك نسيته وصديت
ابن صحران بي ضيقه عن الفين ضيقه =جاملت لين أني من الصمت مليت
تبي الحقيقه صعب قول الحقيقه =ما بالحقايق غير هم و تناهيت

صالح الميزاني

تحياتي