الأمل ضاع وتبدد واصبح بدنيا المحال
وأبتديت أحس ياسي في حياتي يستزيد
مركب أحلامي تحطم في بحور من الخيال
غرّقه موج الحقيقة بعدما أبحر بعيد
وأنهدم حب ٍ بنيته فوق كوم من الرمال
بلا اساس وكل مبنى بلا أساس ٍ ما يشيد
للأسف ما كنت أظنك لا ولا يخطر في بال
أنك تبيع العواطف للي في سومه يزيد
غلطتي صدّقت دمع ٍ منبعه نبع إحتيال
دمعتك فيها معاني الغدر والمكر الشديد
وجيت أقدم لك فؤاد ٍ ما لغيرك به مجال
لا وأقول القلب ملكك سو به كل ماتريد
وأثرني ضايع ماميّز من يميني والشمال
أجني من حبك مضّره وأحسب إني مستفيد
بس لعلمك يا مخادع لو تطول إبك الليال
خيرتك في يوم تندم والندم ماظن يفيد
مما قرأت