روعة التخليد والعذر على التأخير ياربعي

روعة الخليد صباح الخير ياسحر البيان وروعة التخليد = صباح النور ياذيك الحروف اللي اداعبها صباح الفل واليشموم والنرجس صباح سعيد = يا اجمل من صباحات المشاعر يوم انا اكتبها صباح الطيش ياثورة خيال اللي عجز لا يهيد = يا اقوى ثورة ٍ فيني جنوني من يسببها تولم ياقصيدي لا نويت اكتبك بالتجديد = ابيك تهز كل الارض مشرقها ومغربها ما دامه ذايع ٍ صيتك وكل قام بالترديد = بيوت ٍ غربلت ذيك القلوب اللي تعذبها ابيك ترز رايات الجزاله ياقصيدي سيد = وتسكن فالصدور اللي اشوفك صرت مطلبها تفاخر نعنبو جد القصيد اللي على التحديد = ليا من جاك يدبل كبد قاريها ويعطبها كتبتك كبرياء وعزة ٍ فيني لها التمجيد = وصخرت القوافي غصب تشعلها وتلهبها عطيتك جاذبية ارض تجذب من بغى التنهيد = منحتك من مشاعر قلب فبيوتك اخضبها اببحر فيك ياشعري واسافر عن صحاري بيد = وانادي للهنوف اللي تبيك اليوم مركبها ابصنع منك ياشعري عقود اللولو فوق الجيد = قلايد حب ابصنعها ما دام البنت ترغبها ما دام انك اصيل ٍ من اصيل وتملك التأييد = ابي ذيك العنود اللي تحبك حيل تسلبها ابيها وافيه توفي وتاخذني عنود الصيد = وتاخذ خافقي معها وتطربني وانا اطربها والى منه بدا ذاك الصباح ونسمع التغريد = عصافير الحروف اللي على الاوراق نكتبها تجيك المترفه تمشي وهي تقهر بنات الغيد = وترفع صوتها: شوفن حروفي كيف ارتبها هذيك اليا لفت منها البيوت اشوف كيد وكيد = والى مني قريت الها القصايد قمت اعذربها انا ما جيت اعذربها ولكني ابي التأكيد = ابتأكد عن احساس ٍ تشيله يوم اخاطبها خيال ٍ واسع ٍ تملك ولا يحتاج للتنقيد = فديته شعرها لمن قريته قلت ما اعذبها وانا يانزف قلبي ما كتبت الا من التنكيد = صبرت مصبر ٍ نفسي على الشده مدربها سبحت بغبة بحور القصيد ولا بغيت اعيد = ولكنه جنون الشعر يجبرني اغوص بها جديد ٍ مع جزاله ما نويت اكتبك بالتقليد = اصيل ياقصيدي والحضاره فيك اواكبها صباح الخير يارحلة سنيني روعة التخليد = يا اجمل من صباحات المشاعر يوم اداعبها اخوكم / مسعد بن مدلج

صح لسانك اخوي مسعد بن مدلج

المشاركة الأصلية كتبت بواسطة مسعد بن مدلج

صح لسانك ملايين يالبناخي روعه
مثل روعة صاحبها
ارجو تنزيله بصوت او انزلها انا من عندي
في الانتظار

صح لسانك دخيل الغلا

ولاهنت على تواجدك

اخوك مسعد

ياهلا والله ابو فراس

صح بدنك ولاهنتي ياخالي

اما القصيده الصوتيه ان شاء الله راح اعرض قصايدي الصوتيه

تقبل تحياتي

قصيده خياليه , قصيده راقيه , قصيدة تحمل العذوبة وتسلسل الأفكار والمعاني والصور الجميله

أبوسعود حاولت أن أقتبس بيت أو بيتين لأعلق عليها ولكنني وجدت القصيدة كلها يراد لها تعليق ...نعتز ان يكون بيننا من هو مثلك وعلى رقي شعرك ومتانته وتماسكه حتى آخر القصيدة بدون أي عيب يخل في القصيدة.

صح لسانك آلاف المرات

وقصيدة هي كالدرر تسر من حضر وتعطي للمستشعرين العبر.


أبن مصاول

صح السا نك يا مسعد ابن ملج علي هل قصيده الجزله شكري وحترامي

صح لسانك يامسعد قصيدة جزله. وانت دائما جزال. الف شكر

الاخ الشاعر مسعد بن سعود شاعر متمكن في كل قصايده ومن الوزن الثقيل

والله يبو اسعود اني فاقدتك لي ايام وانت واللي مثلك ماودي انهم يبطون عنا باشعارهم

الجزله

وانت شاعر يبو سعود تستحق الاشاده

نتمنا لك التوفيق يابو سعود

تولم ياقصيدي لا نويت اكتبك بالتجديد...
ابيك تهز كل الارض مشرقها ومغربها ..
مادامه ذايع صيتك وكل قام بالترديد...
بيوت غربلت ذيك القلوب اللي تعذبها...
صح لسانك وشاعر وكفووو..
بس طلب لا عاد تاخر علينا..وتقبل مرورري..