~آشْتقٌتلكَ يآ آخُويٍ~ْ

يا اخوي شلونك؟؟
مشتاقة لك ..
مشتاقة لمبسمك وعيونك..
فراغ الكون بعدك..
يا هو كئيب البيت من دونك..
يا هو مشتاق لجنونك..
لا تسألنا عن الحال..
حالنا يا بعد عمري والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت القصيم ومافيها.
حتى شوارعها ومبانيها ..

رحلت يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..
أصير أسمعك أوضح..
تناديني..؟؟؟..يا عيني..
نامي..
ذبحك السهر يا بنت..
لا عاد هالأنترنت!!
خذا عقلك وتفكيرك..
هالمنتدى ماعندهم غيرك؟؟!!
تعالي نسولف شوي..
تعالي با أقول لك شي..
وأدري ماعندك شي..
تدري يا اخوي؟!!
ألعب على نفسي..
أقول يا بنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من الفرقى غير يومين..
الله يساعد..الله يعين..
تدري يااخوي و ش بيدي الحين..
بيدي صوره من السنين..
وحنا صغار..

يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
وتغير كل شي..إلا..
حطة راسي على كتفك..
ومسكة كفي لكفك..
كنت تطالعني..تبتسم..تشيلني ..وتقفّي..
آه يامقفّي..كنت دايم واقف بصفي..
تبي تسمع بعد أخبار؟؟
تبي تدري بعدك شاللي صار؟؟

أمك..سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وشسويت؟؟
متى راجع؟؟..ولاتتأخر علي..ومن وين جيت؟؟!!
لا تسرع وانا أمك..وشوي شوي إن مشيت..

وأبوك..تصدق يااخوي ..توقعته أقوى..
أثره على فراقاك مايقوى..
كل يوم يودي بسيرتك ويجيب..
ولدي رجال..ما ينخاف عليه.
ولدي ذيب..

وأخوانك..بقعدتهم خالي مكانك..
تعال وشوف حاله في بعدك..
ملوا كل شي بعدك..
لا طلعات..لامشوار..
لا سهرات..لا نادي..حتى أبو نوره..
ما قمنا نسمع له..
إن سمعنا له تجي على البال..
والكل يدمع..

فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر يااخوي؟؟
تذكر الجالكسي و قهوتنا والأخبار..؟؟
وين انت يالغالي؟؟
يقولون أبالغ وأكبر الموضوع..
ماشافو حالك وحالي..
يوم ودعتك وعيونك تلمع دموع..
"أشوفكم على خير..لاتبكون..وأدعوا لي"
الله ياخذك يالفرقا ذبحتيني..
بكل حملك هالمرة جيتيني..
الحين يعني ذكرتيني..؟؟
حطمتي قلبي..قتلتيني..
هديتي كل حيلي اللي فيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!
"انسيــــــــــــــــــــني"
*******

(( م/ ن ))

تبي تسمع أخبار؟؟ تبي تدري ش اللي صار..؟؟
أنا بعدك كرهت المنتدي ومافيها. (( وشرايك فى الترهيم هههههه))

رررررررررروعه اختي

مميز من تميز رذاذ المطر

دمتي عطاء للمنتدي اختي العزيزهـ

أنا بعدك كرهت القصيم ومافيها.
حتى شوارعها ومبانيها ..
جبتيها على الجرح يارذاذ وزوتي النار في قلبي
على رحيل أخووي النقيب/ صالح الشمشم الله يرحمه ويرحم أمووات المسلمين جميعآ اتمنى الدعاء له بالرحمه والمغفره,,,,

ويعطيك العافيه على القصيده

الله يسلمكم ويعافيكم ع الطله..

منقول جميل يعطيك العافيه رذاذ

يعطيك العافيه اختي رذاذ على المنقول الجميل

تشرفت بمرورك العطر اخوي لاهنت

أبيات رائعه وتسلم الاياادي علي النقل

يسلمووووووو ع الطله