تعلم اللهجه الاماراتيه في دقايق!!

السلام عليكم ورحمة الله وبركاته ...


وضعت هذا الموضوع بناء على طلب اختي وصديقتي غدي الذويبي ولتعم الفائد للجميع ايضا ً


مصطلحات امارتية ...

الشبريه = السرير
كبت = خزانه الملابس
مسيد = مسجد
هيه = نعم ( إيه )
بسير = بروح.
بوش = مجموعه الجمال ( النوق )
غرشه = زجاجه
موتر = سيارة
كشخه = زين او تعبر عن اعجابك بشئ
الدوبي= اللي يكوي الملابس
سامان= أغراض
شرات = مثل
وين سايرين=وين رايحين
اخطف عليك = امر عليك
ارمس= تكلم
ربيع = صديق
ما تيوز = ما تترك
خلاف = بعدين
أزغر فلان: ناده

المزغوده = المخنوقه
خاري , وبرع = برا ..
بنيه = بنت
ماي= ماء
يرمسون = يتكلمون
يالس = جالس
مخده = وساده
منز= سرير الطفل..
ويع= يعني آلم ..
حووووووووووه= نوع من أنواع النداء..
خديه = يعنى واحد اهبل مجنون ..

راقد= نايم

دختر=مستشفى

برنوص= الشرشف

الصرمة= النخلة

السحارة=الصندوق

الطوي=البئر

انعتني =ارشدني

نعوب=الشخص اللي دووم يعااارض ويقول للعرب لا تسيرون المكان الفلاني

طشونه=شويه

هيد=اصبر


مسميات الالوان قديما في الامارات*

سمــاوي : لــون الســماء ( الأزرق الفــاتح )

حــمر يــوخ : اللــون الأحــمر الــغامق

*دم الغــزال : الــعنابي ( أحــمر فــاتح )
*
اللــيلكي: وهــو البنــفسجي
*
نيــلي : أزرق غــامق

*برمـيتي : وردي فاتــح شــفاف نسـبة إلي البــرميـت وهـو نــوع مـن الحــلوى

جــاكلــيتي : بنــي غـامق

حليبــي : هــو الأبيــض المطــفي نســبة الــى لــون الحـليب

*قــهوي : بـني فـاتح

خاكـي : أخــضر غـامق ويـسمى أحــيان ( كـاكي )

*كركــمي : أصــفر غــامق نــسبة إلـى بـهار الكــركم

*أمــلح : أو يقـال أغــبر لــزن شبـيه بالــرمادي وهـو أفــتح مــنه

لــبوصي: الــفوشي

الدمــني : البــني الغــامق

اللاســي : الــبيج الفــاتح*

المــدخس : الغــامق

أجــلح : الــلون الاصــفر القــديم



منقووول

سامان= أغراض >>> هذه نقولها للهنود والباكستانيه عندنا سمان يعني اغراض

الشبريه = السرير >> الشبريه عندنا يعني السكين (الخنجر)

خاري , وبرع = برا .. >>> خاري ذي غريبه

الدوبي= اللي يكوي الملابس >> عندنا مغسله ملابس وفي الكويت يقولون لها مصبغه

موضوع رائع أختنا دلوعة المهد وكلمات ومرادفاتها أجمل جهد يشكر عليه من جمعه ولو ان اكثرها يتشابه فيه دول الخليج ....

بس احلى كلمه عندهم (أرمس) وهي كلمة عربية موغلة في القدم ماخوذة من كلمة(رمس) وهي الحديث بصوت خافت.

ما أجمل لهجاتنا لو ابتعدت عن الكلمات الهندية والإيرانية والتركية والأنجليزيه...

أبن مصاول

مشكورة اختي دلوعة المهد على موضوعك الشيق والله ودناء نتعلم بس نخاف نخلبط وننساء لاهجتنا ولاهجتهم ونروح فيه

لهجتهم زينه واغلبها بدويه بحته

انعتني =ارشدني هذي عندنا ...

يعطيك العافيه اختي دلوعة المهد على هالموضوع الرائع لي لهجة اخوننا بدولة الامارات الشقيقه .. تقبل مروري سلطان الميزاني.

يعطيك العافيه وانا من الناس اللي يتمنووون المعيشه لما تمتاز من مناظر خلابه ونظافه بالشوارع...

لا اطيل بالرد... ولكن اقوول لاختـي..دلووعـة المهد ..اهنيك على هذه الثقافه الرائعه والى الامام...


تقبلي مروري..اخووك شليان الشلاحي

مشكورررره
النقل الجميل ورائع في نفس الوقت
ويعطيك العافيه

يعطيكم العافيه جميعا على المرور الرحب ...وكل عام وانتم بخير