قصيدة لشاعر عوض عواض الغيداني(من الذي يقدر يقنع اسرائيل)

غير متواجد حالياً

على ضفاف الشعر في ضلمة الليل=سريت بأفكاري علـى متـن الابـداع
أشعل مـن افكـاري لدربـي قناديـل=وأكتب بدم الجوف ياعـوج الاضـلاع
آخذ مـن الواقـع جميـع التفاصيـل=مايقنع العاقل ويجـذب لـي أسمـاع
القح افكـاري بشعـري وهـن حيـل=واقطف مالذ وطاب من جزل الانـواع
أخلد الذكـرى علـى عاتـق الجيـل=من هامة التاريخ لإسلـوب الامتـاع
الشعـر معنـى والليالـي مداهـيـل=تضرب به الامثال مـع كـل ذعـذاع
اللي زرع يزرع برجـوى المحاصيـل=لولا الأمل ماعاشة النـاس بإجمـاع
وإن ضاق صدر الوقت كلنا تساهيـل=تبقى فجـوج الارض قدامنـا وسـاع
الوقـت مايصـرا بلـيـا غرابـيـل=كم اشبع الجوعاء وكم جـوع شبـاع
شربـة مـن همـه ثلاثـة فناجيـل=بين السهـر والبعـد وألام الاوجـاع
يابارق الفرحه علـى طلـت سهيـل=دونـك يطـقٍ الليالـي بالأصـبـاع
أعلـق احلامـي ابيـض المخاييـل=وتطيح من حضن الثريا علـى القـاع
مدري دبور الوقـت ياكذبـة ابريـل=ولا النصيب اللي هجر درب الاسنـاع
والصبـر مفتـاح الفـرج يالمقابيـل=واللي نشد ياسـود الايـام ماضـاع
يانشوة لحونـي وشـوق المواويـل=مات الكلام بنغمـة الصـوت ملتـاع
وش و سعة البـال وسمـو التعاليـل=راحوا ضحيه للتباغـض والأطمـاع
في وقـت مدبـر والليالـي محاميـل=بمفاجـأةٍ زلزلـة شـتـى الأبـقـاع
وش عاد من باقي من بعد طفحة الكيل=ياأخر بقايا المد فـي رحلـة الصـاع
مرحـوم ياكيـفٍ جفتـك المعاميـل=لو احتضن تمر الحساء كـل مقـداع
مايعذر البـن اليمانـي مـن الهيـل=إلـى تشـره وأعتـذر كـل فــزاع
إلا الـذي يقـدر يقـنـع أسرائـيـل=عن هيكل سليمان ويحـل الاوضـاع

صح السان الشاعر عوض عواض الغيداني