محاوره عبدالله غازي وزيد العضيله ؛؛

بسم الله الرحمن الرحيم

سوار الذهب تأخر ما لعب ، وبعد كم طاروق طلب زيد :





سوار الذهب :
عن ابن قطيم مني هلا يا مرحبا هيل ،، رجالٍ حطها المجد في عالي شداده
ألا يازيد رش السواعي واسرج الخيل ،، أباك اتميّز العين في جنب الجراده


زيد العضيله :
يدوم ابك البقا واللزوم الها رياجيل ،، وراس المستقي ما تهنى بالوساده
وقفنا و احتزمنا لعلمك واسر ياليل ،، وانا ماني بمقرود أدور للقراده


سوار الذهب :
حلوق دلال ماتمتلي منها الفناجيل ،، تعنيني وليل الشتاء رمحه براده
على ماقيل ماكل سيل لوادي السيل ،، وحسن مقاتل الجيش من حسن القياده


زيد العضيله :
من أول تستدل العرب بالجدي وسهيل ،، لكن اليوم في شئ عابدته عباده
يا عبدالله يطول الحديث ويفتر الحيل ،، تذكرها عسى الله يذكرك الشهاده


سوار الذهب :
ماتدري ليش يوم ابرهه يغزي على الفيل ،، عشان أول شهر حمل والثاني ولاده
هنودٍ حمر بين العزاوي والمــفاتــيل ,, وكلٍ مــاله الا نصيــبه وأجتهاده


زيد :
ألايا ربعنا صـــايرٍ فالــعلم تحـليل ،، وأبو حــلقٍ مشاهد يــدورله قلاده
يا قاض الحق ليتك تنادي للــمعاديل ،، على قول المثل نار تاليها رماده


سوار الذهب :
وألا يازيد لنت الزبور ولنت الأنجيل ،، لو أن النقص ما هو على شان الزياده
ماعاد إلا يميع الشحم يالفطّح الحيل ,, وبعض الناس ماعرف صلاحه من فساده


زيد العضيله :
أنازيد الهلالي يا راع الحط والشيل ،، ما جالك واحدٍ شوشته كبر العراده
سواليف الرخا ماوراها إلا البهاذيل ،، بياض العلم يكفيك لاتدور سواده









,,,,, وفيه طاروق بدا به خليف بن دواس ولحد رد غير بعد البيت الثالث قام سوار الذهب ، وبعدها رباعيه أنزلها قريب إن شاء الله .

يعطيك الف عافية وماقصرت

محاورة رائعة جداً , لاهنت يالشلاحي على كتابتها , وبانتظار الجديد منك لهذا الشاعر الفذ .