عبدالله الميزاني ملفي المورقي

السلام عليكم ورحمة الله وبركاته

عبدالله


هلا يامرحبا واللي يقدر مرحبا روحان= ومن لا يعرف الروحان ينشدني لتعليمه


ياسبحان الله اللي يخلق الانسان من ما كان=جناحن من بعوضه كل دنيا مالها قيمه



ملفي



يدوم الك البقا يا الشاعر اللي خاطرك مليان=ضميرك من تعاليم اللي واصلن تيمه


نبا نسري على وضح النقا مير افتح البيبان=على سلم الرجال اهل الوفا والقدر والشيمه


عبدالله


انا مشغول مع بلقيس والقسيس وسليمان=على قول المثل مافيه سيل الا معه ديمه


والا يا المورقي حاول تشدد كشب للصمان=لنا الله ريم ياوادي ثقيف وزيد من ريمه


ملفي


انا بلشان وانته با القرون الماضيه بلشان=ولاكن الزمان اللي وطاك اصبر على ضيمه


ولا ياصاحبي ياصاحبي من ينقل الضلعان= تحسبن الرواسي شيلها ركعه وتسليمه


عبدالله

غريب انك تجي بلشان وانته تلعب البيشان=ختامة خير ياقلبن عذابه من مناديمه


فبشتك مابقا الا اقول ابن سيناء وابن حيان=لكن اوجد علاقة وش دهم والرس ودهيمه


ملفي


كثير الهرج يطلع مشتبه بسم الله الرحمان=تبوه اهل الفتاوي بين تحليله وتحريمه


انا بعطيك علمن مثل علمك والخبر نيشان=عن الهفهوف قلي ويش بعد ابقيق ورحيمه


عبدالله


كثير الهرج يثبت لاهوازن شي مع غطفان=هوازن قوم كانو في حدود السيل والزيمه


عساك تسيل ياوادي عفيف ووادي السرحان=على شان الفياض ونبتها نوعين ووخيمه


ملفي


انا خابرك ميزاني وتعرف وزنة الميزان=ومن يعطى الحقايق يلزم اهل العرف تكريمه


علامك يوم تنسى ثرب ديرة ربعك المطران=مادم انك تمنيت المطر ينهل من غيمه


عبدالله


انا عمك وانا همك وفيك نخيط ياخيطان=لأجل شين حلال ازلاال لاتفتي بتحريمه

المحاوره هذي قد تم عرضها على قناة المرقاب سابقاً

راح فيها ملفي


قوة عمق سوار الذهاب واضحه جدا



لاهنت على النقل

شكرا لامرووك يا هزاع المهلكي

المعنى انطلقت شرارته منذا قول الشاعر الفذ سوار الذهب

( كل دنيا مالها قيمه )

الداني من اي شئ سواء شخص أو قبيلة أو افراد لاقيمة لهم .






وباستعراض رموز تاريخية مثل بلقيس والقسيس ونبي الله سليمان عليه السلام , وبربطها مع أماكن لها دلالة قوية حيث كشب مقر قبيلة عتيبة والصمان لقبيلة مطير , ولامقارنة بين نوعية الأرضين حيث تسيد أسياد نجد أفضل أراضيها ومراعيها وأكبر دليل أن الآن 90% من أهل الابل مقيمين في الصمان عندما ضفى الأمن , وكشب مادرى عنها أحد .






كذلك ربط جميل بين وادي السرحان وهو مقر بعض قبائل الشمال مثل قبيلة السرحان والشرارات وغيرهم ومع وادي عفيف وبين أعشاب الواديين ووخامتها وهذه الوخامة لها دلالة معروفة وقوية ودقة من تحت الحزام :


عساك تسيل ياوادي عفيف ووادي السرحان = علشان الفياض ونبتها نوعين ووخيمه

مشكلة عبدالله غازي أنه يعيش في وقت ليس بوقته ...لأجل ذلك لا يوجد من يجابهه ثقافياً فيضيع المقابل بين المفردات المربوطة بشكل عجيب و المعاني العميقه..


لا هنت اخوي سالم تسلم على إراد هذه المحاورة الرائعه

نقل مميز الله يعطيك العافيه أخوي سالم تسلم

عبدالله الميزاني مدرسة شعر حقيقيه وقليل من الشعراء يستطيع فك رموز ابياته
لله درك ياابوغازي كثر ماتغرد خارج السرب وتمتعنا بابياتك النــــــوادر