ردي على الشاعر غصين الدوسري الشاعر مزعل الشمري

السلام عليكم ورحمة الله وبركاته
---------------------------------
قصيده متواضعه
اهديتها لاخي وحبيبي
الشاعر مزعل الشمري
من منتدى الاميره وعد


عسى ان تنال اعجابكم
------------------------------

الدوسري عدا بعالي المشاريف=
=روس الجبال متعبة من رقوها
وابدى من الخفاق زين الغطاريف=
=في ذم دنيا الهم ولي بغوها
واسند على شمر رجالٍ صواليف=
=كم غزوتٍ الاد شمر غزوها
يامزعل اسمع ذا البيوت المعاطيف=
=كنها الابل لاعطفت وحلبوها
بنيتها من فكر راسي بتوصيف=
=دنيا العنا دنياك ياما هجوها
ياالشمري دنياك ماهي على الكيف=
=لوجت على كيف الرجال اغلبوها
كم حر شاهر له مخالب معاكيف=
=شرواك يبن الشمري ماقووها
خذته دنيا الموت واصبح لها ضيف=
=تحت ارضها غصب ولومارضوها
دنيا كفى الله شرها حيفها حيف=
=لويعلمون الي بها جنبوها
دنيا حلاها مر ووعودها زيف=
=تلعب على الحبلين دوهاودوها
ياالله جنبنا العنا والصواديف=
=وبيض صحايفنا اذا علقوها
وياالله تجمعنا نهار التخاويف=
=في جنة الفردوس غصونٍ دنوها
محمله باالفاكهه دون تقطيف=
=اللي تبي اشر وهم يحظروها
وانهار خمر ينعش القلب والكيف=
=وانهار عسل منوة الي شربوها
وانهار من للبان مافيه تغليف=
=ماهي مثل البان من غلفوها
وجميع ماتطلبه ياتيك ياظيف=
=على السراير تكيتٍ واتكوها
وصلاة ربي عد دموعٍ ذواريف=
=اعداد هاوعدادمنهم بكوها
على نبيٍ حارب الكفر والزيف=
=المصطفى الي سنته قلدوها

صلى الله عليه وسلم
وسلامتكم


اخوكم ومحبكم


دوسري زاحف
غصين

..............
فرديت على اخوي غصين الدوسري
وانشالله تنال لعجابه
وأعجابكم بأذن الله

واليكم الرد

يامرحبا بالدوسري مابها زيف=
=ترحيبه تسوى البشر كل ابوها
حريف صنديد وبالشعر حريف=
=دنياك ياذيب الفيافي نسوها
ناس على فعل المكارم مكااليف=
=ياما مشو فيها وناس اتركوها
ياذيب انا اتعبني شتا الوقت والصيف=
=امشي وادور حاجتي ومفهموها
انت الكرم والعز ربعك معاريف=
=احرار والدنيا خذوها عطوها
من طيبهم ترحيبهم لا لفى الضيف=
=جزلين لامن العطا هم عطوها
يالقرم فيك من الكرامه مناصيف=
=واصل الشهامه فيك هم شاهدوها
عسي الردي يفداك واللي ملاقيف=
=حيثك من ارجالن الحاها اكرموها
يالنادر الوافي مثل حده السيف=
=ابيات شعري كلهم ماسمعوها
الفتلك من داخل الفكر تاليف=
=وبنات فكري صاينه مالقوها
لو قلت شرفت الشعر انت تشريف=
=لوقلت طيب انت ابوها واخوها
واختامها مني سلامن بتكليف=
=سلام وافي قلتها صدقوها

الشاعر مزعل الشمري

صح لسانك شاعرنا مزعل وبيض الله وجهك على النقل المميز

صح لسانه وصح لسانك أخوي مــزعــــل الشمري

صح السااااااااااااااااااااااااااااااانك

تحيتي

صح لسانك أخوي مزعل وصح لسان الدوسري وقصيديتن رائعتين ..ولا هنت لنقلها لنا