شليويح بن شلاح والثبيتي:بعد ماحوّل السواق ركبه غض الانهـادي

محاوره جرت بين الشاعرين الكبيرين الشاعر : مطلق بن حميد الثبيتي

والشاعر : شليويح بن شلاح المطيري(ولد عام 1940 وهو يعيش بالكويت وله مزرعة بالسعيره.


مطلق الثبيتي:

سلام الله على من جابنا ذكره ومرسولـه=عدد نو المزون اللي لهـا نـوٍ ورعـادي
شليويح المطيري يوم شفته عزّني زولـه=واثره الشجره اللي عرقها سابح مع الوادي

شليويح بن شلاح:

هلا يامرحبا ترحيب نبدي فيه ونقولـه=نيابة عن مطير الحاظره و آلاد عبادي
شليويح المطيري ماشيٍ فالدرب بنعوله=ولا احط القدم حافي لعل الدرب ينقادي

مطلق الثبيتي:

الا يازينها لـو تصبـح البيبـان مقفولـه=وتمسي يالمطيري من ورا البصره وبغدادي
ياراعي الشله اللي عن عيال الخير معزوله=بعد سويتها فينا يبي لك حـرب وجهـادي

شلويح بن شلاح:

عرفت الغازكم والغازكم من عصر محلوله=كلامك فالمسجل لاتشغل موجـة الـرادي
انا لي شلةٍ في دربها ماهـي بمشلولـه=بعدها يالثبيتـي لاتحـرك كـورة النـادي

مطلق:

ابربي حرامـيٍ يشيـل التمـر بحثولـه=نما من عادته مايسرق الا تمر الاجوادي
ابوكم ماتسنع وامكم قشرى ومهبولـه=ليا ميزتها من قشرها ماعـاد تـزدادي

شليويح:

علام الحضرمي قدام جيرانه كفا فولـه=يعقّب دلته ويجيـب للضيفـان بـرادي
انا امي صاحيه وامك من الايام مشغوله=ولاتسمع كلام امك نهار تصيح وتنادي

مطلق:

زعل راعي الونيت وضاع له عشرين صاموله=ويوم انه زعل واليا الفرامل سلكهـا غـادي
حبال الخير بين الناس ممـدوده وموصولـه=ولاتقدر تغيرهـا ليـا شفـت القمـر بـادي

شليويح:

اقص الجره اللي من زمان العـام مدهولـه=واثر طبع الحرامي يختلف عن طبع الاجوادي
انا خابرك تثني كان نار الحـرب مشعولـه=لكن اليوم عان القوم لك في كل مرصـادي

مطلق:

رموشك يالمطيري من دموع العام مبلوله=نبا نشبعك في شعبان ونجمدك في جمادي
ليا شفنا الغناوي كل يوم يقـل محصولـه=قطعنا عنه نسناس الهوى والشرب والزادي

شليويح:

ليا حمرت عينك عندنا بالكحل مكحولـه=وانا بشب ناري كان شفت القدر ماجادي
انا ماني بشعره من عجينة خبل منسوله=انا دكتورها حتى نداوي كـل الاكبـادي

مطلق:

الا ياموترٍ حطوا لـه الشاصيـن مدبولـه=لكنه لامشى في الدرب من ممشاه متحادي
انا اعرف القلوب اللي من الاوهام مدخوله=اجيب إلها الدواء مير الدواء والطب مافادي

شليويح:

انا بنشدك عن هاك الونيت إصحيح منهوله=بعد ماحوّل السواق ركبه غض الانهـادي
وانا ماني بماشي غير مع سكه ومدهوله=لكنك قص دربك يالعتيبي وانصح الغـادي

مطلق:

شليويح المطيري مدوخ العربان بطبوله=وياليته مع الغزي وجنب عزيز البـادي
والا يازين زول الشيخ والذرعان مفتوله=لكنه يطوف ويستعي فالشعب وجيـادي

شليويح:

تغيّر صاحبي يوم السواري وقعت حوله=سلامه يالثبيتي وابشر انك واصل المادي
ليا زعل الثبيتي من زمان العام قولوا له=نبا نكسيه من سوق الرجال ثيابٍ جدادي

منقول

أبن مصاول

يعطيك الف عافية اخوي ابن مصاول وماقصرت

صح لسان الشاعر شليويح المطيري والله يرحم الثبيتي ..

وتسلم يمنا ناقلها لنا ..

سلطان الميزاني.

لا هنـت على النقل ياابن مصصصصاول

لاهنت


يابن المصاول على هذي المحاوره الطيبه والفريده من نوعها والله



ولاتحرمنا من جديدك يالسنافي

الله لايهينك يا ابن مصاول

أشكر الأخوان جميعاً للمرور والتعليق وأعذروني على العجلة وكل واحد له حق ولكن الوقت ما يسعف

محاوره رائعه يابن مصاول

صح لسانك يا شلاح وصح لسانك يالثبيتي

اشكرك يابن مصاول على النقل المميز

أخوي عبدالوهاب لا شكر على واجب وقد سرني مرورك يا غالي

ملاحظة: شاعرنا شليويح وليس شلاح

أبن مصاول ...تشكــر اخووي على نقلكـ للهــذي المحاورهـ

الي تعـــد من اقـــوي المحاوراات بينهـــم

ولكن .. ليــتكـ يا أبن مصاول تقول لنــا قصـــه هالمحاورهـ والبيتين الحمـــر

ونشــووف كيــف ان شليويـــح قلــب الطاولـه على مطلق

واصـلأ مطلق اللـه يرحمــه هو الي جابها على راسـه

ويقولون انــه زعـل بعد المحاورهـ ذي

اللــه يرحمــه واموااات المسلمين