رد: قدحت من زندي وصواني وشبيت الفتيل=وعنيت روس الخيل فالميدان وعلنت القتال
كُتب : [ 10 - 05 - 10
- 09:43 AM ]
عندما يحضر أبوريان يحضر الشعر الجزل لله درك من شاعرٍ جزل , ما أعذب شعرك وأقواه , تقف حروف الثناء كلها حيرى!!!؟؟ امام هذه القصيدة الجزلة فلا تستطيع ان توفيها حقها ...ما شاء الله
صح لسانك وأعتلى شانك
علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
رد: قدحت من زندي وصواني وشبيت الفتيل=وعنيت روس الخيل فالميدان وعلنت القتال
كُتب : [ 10 - 05 - 10
- 10:01 AM ]
اقتباس:
المشاركة الأصلية كتبت بواسطة مجري خضر
السلام عليكم ورحمة الله وبركاته
اخواني هذه القصيده ليست تعنيني انا شخصيأ بل هي لكل شاعر ولكل مبدع بشكل عام
تجاهله اللاعلام وكما تعلمون فالاعلام يديره اناس يقيمون علاقاتهم على اسس تبادل المصالح
يعني بالعربي امسك لي وقطع لك والا ادفع وبشر لايهم من يكون وهل هو شاعر او راويه او سارق
المهم يدفع مني ورق وبصراحه محتاجين هههههه المهم
احبيت اكتب ما تيسر لي من ابيات ويمكن ان اكون مخطي ويمكن ان اكون مصيب
وهذا رائي الشخصي لايمثل اشخاص غيري اليكم القصيده
قدحت من زندي وصوانـي وشبيـت الفتيـل=وعنيت روس الخيل فالميدان واعلنت القتـال
ارقى واروم النايفه وليا قدمت ابـرك واشيـل=مااحسب حساب الحمل دام اني زبونً للثقـال
كن الشوارد من بنات الفكر عسكر في فصيـل=حسب الاوامر والقياده صح مافيهـا اختـلال
اغرف من بحور الجزاله واحتسي زاد وصميل=واصمد وانا شامخ ولا اكتب بالتفاهه والهـزال
من ماسمعت وشفت لاتشره عليّه لـو اعيـل=الوضع مزري والحقيقه واضحه ماهي الخيـال
وابوك انا من ماكر الاحـرار يالمـد البخيـل=ارسي ومرسايه على البيدا كما صـم الجبـال
اخذ من فعول النشاما زود ماارضـى بالقليـل=واقف وميقافي بعـز وفيـه هيبـه وارتجـال
والحق له ميزان ماينقـص ولا يقبـل يميـل=دايم مسيره مستقيـم وميـزة الحـق اعتـدال
وانا هنا موجود ساطع بالسمـا واكبـر دليـل=لاهتضت تتمخض قصيده بكر مافيهـا جـدال
وان هب نسناس القصايد موت يالقلب العليـل=فاحت من الشفقـه دلال ولاح بـراق الخيـال
يا أيها النقاد نبغى انقاذ مـن سيـل المسيـل=هال النفود وله نفـوذ يطـول ماعنـه محـال
وحنا ضحايا بين متشـرد ومنصـاب وقتيـل=صرنا نعيش وداخل الارواح ضيقه واحتـلال
والموهبه من خالق الانفس ماهي خل وخليـل=في ساحة الشعر انتكاس وكل مافيـه افتعـال
صدرونا راحت سجون وشعرنا الجزل النزيل=واعلامنا مبني على زمر التطـرف وانحـلال
في شجرة الزقـوم لايوجـد ظـلال ولامقيـل=مااكرهك مايكسيك دوراة الطبيعـه بالجمـال
وانا بشب النار من شعري عسى عمري طويل=قصيدةً تكفي عن التعبير فـي صفحـة مقـال
صح لسانك يابو ريان ولا فيك حيله.وشهادتي فيك مجروحه
رد: قدحت من زندي وصواني وشبيت الفتيل=وعنيت روس الخيل فالميدان وعلنت القتال
كُتب : [ 15 - 05 - 10
- 01:42 AM ]
صح لسانك يامجري
قالوا من انت وقلت من عزوة مطير=اهل الثلاث النادرات العجيبه
قالوا من أي وقلت شباعة الطير=آلاد عباد الفخر والمصيبه
قالوا من أي وقلت غصابة الغير=آلاد عون مطلقين الغريبه
قالوا من أي وقلت كسابة الخير=ميزان فكاكة سجونن صليبه