مجاراه شعريه في ( ساهر )

السلام عليكم

بعد غيابي اقدم لكم مجاراه بيني وبين الشاعر رجاء مرشد الكرشمي اتمنى انها ترتقي لذائقتكم

يقول رجاء في رساله جوال

عسى كيمرة ساهر تعطل ليا مريت=ولو تعطي الف فلاش تطلع بلا صوره
يقولون ردع للحوادث وقلنا ليت =وهو فكرة يقنابها المال محكوره
وانا عن رسوم الكهربا والديون ازريت=مع اخر شهر ديان ورسوم فاتوره
وزود عليها قصد موتر واجار البيت =وبعض الخلايق من عنى الفقر مقهوره

رجاء الكرشمي

ردي عليه

الايارجاء جاريت من عقب ماسويت= على جرصوتك يوم الاشعار مجروره
ولاحد (ن)على الساهر يلومك عقب غنيت= لقيت الاوادم من سواياه محشوره
ترا لوتحسب المال باالجمع لاعديت=مثل لعبة القمار والناس مقموره
ولكن على صوت المواطن معك ناديت=واباانخا الملك واقول تكفى ياخو نوره
رفعت المواطن ياطويل العمر واعطيت=نشوف الاوادم من عطاياك مسروره
نبي باالسلامه يابعيد النظر لاجيت= نبي تعرض الساهر على مجلس الشوره

بدر مجاهد

وسلامتكم

يعطيك العافيه على الايرااااد
تحياتي لك

مساجله نصيه طيبه ماقصرتوا صحت الالسن

صح لسانك يا ابو مجاهد ومساجلة جميلة بينك وبين الشاعر رجاء الكرشمي


صح لسانه

صح لسانك أخوي بدر بن مجاهد وصح لسان رجا الكرشمي

ياسلام على المجاراه الرئعه
صح لسان الشاعر والصاحب / رجا الكرشمي
وصح لسانك يابو خالد ولاهنت على هالابيات الجزله
وننتظر منكم المزيد فلاتبخلون علينا
.
.

اخوي ابوخالد
صح لسان الشاعر رجاء الكرشمي وصح لسانك على المجاراه اللي يعرفه الجميع انكم من
منسوبي المرور وتشتكون ههههههه
لكن يسلط الله على الضال اضل منه ساهر القاهر لكن بيض الله وجيهكم على هالقصيدتين
اللتي ربما ستعالج بعض اخطاء ساهر مثل تدبيل المخالفات وغيره
دمتم بخير
دمتم بخير

صح لسانم يابو خالد

وصح لسان الكرشمي

مبدعين في تميزكم داااائماااا

تحياتي لكم

مداخلتي الثانيه هنا:

إذا انتظمنا بقواعد المرور الصحيحه فلن نحصل على مخالفات , فقط طبقوا أنظمة المرور ولن تندموا , سددوا المخالفات بوقتها حتى لا تدبل عليكم وعندها سوف ترتاحون.

يا اخوان فيه ناس من القصيم للرياض يقطعون المسافة بساعة ونصف؟؟؟ هل نحن مجانين , ألا يوجد ورائكم من ينتظركم , هل أرواح البشر التي امامكم رخيصة حتى تقتلوا انفسكم وتقتلونهم معكم.

تذكروا دائماً أن السلامة اولاً , ويقول المثل المصري للمتضررين من مخالفات ساهر: أمش عدل يحتار عدوك فيك.

صح السانكم شعراء ابدعتم في هالمجاره الرائع
وعندي هالبيت يتطرق ساهر


يا لايمي بالحب يبلا بساهر وفي كل اشاره يلتقط له قسيمه