هــواجس القـــلب

السلام عليكم ورحمه الله وبركاته
مصافحتي الاولى لمنتديات النخبه واتمنى ان ترتقي لذائقتكم

يانافخ الروح في مريم ومنجبها = يامبين المعجزه في يوم ميلاده
يـوم اقبلت به وكلــن فيه كـذبها = بامرك جعلته يجيد النطق بمهاده
من قدرتك خالقن خلقك وحاسبها = جميع هالكون كله محصي اعداده
يالي بفضله تقبل توب تـايبـها = من رحمته فـاتـح الابواب لعباده
تفرج لعينن لذيذ الـنوم حاربـها = من هاجس (ن) بالضماير زاد وقاده
هواجس القلب راجت به وراجبها = جــتني تـلافــا على قـلبي وميراده
سبت هجوسي من الدنيا وغرايبها = من ميل وقتي وقشر الحض وعناده
على اتجاهي وتعكسني هبايبــها = لاقــلت زانـت يعـود الـوضع بنكـاده

صح لسانك واعتلى شانك اخوي بدر على القصيده الشامخه في معانيها وحياك الله في منتديات النخبه

ياسلالالام عليك يابو مجاهد

سمعت عنك الكثير وسمعت لك الكثير

شاعر نتوق لسماع قصائده

صح لسسانك

ننتظر القادم

تحياتي

ياهلا يابو خالد وسهلا
ومصافحه شعريه جزله من شاعر جزل
وصح لسانك ملايين على الابيات التي تتمايل مع قدوم شاعر بحجمك ومكانتك
فانت مكسب فعلاً لمنتدانا ووجودك بيننا تشريف لنا
وننتظر ابداعاتك ....دمت براحه يابو خالد ودام تواصلك وابداعك ...

صح لسانك اخوي بدر بن مجاهد على هالقصيده ارائعه تحياتي لك

أبو خالد صح لسانك على هذه الرائعه , ومصافحة اولى ولكنها تروي عطش المتلهفين للشعر الجميل لبعض الوقت , فلا يطول غيابك وامطرنا بغيرها..


تقبل مروري وسروري بما اقرأ..

صح للسانك وأعتلى شااانك


لاهنت

بدر بن مجاهد ...
شرفتنا بإنضمامك البارح
والآن تشرفنا بقراءة باكورة مشاركاتك الشعرية معنا ..

باكورة موفقه بإذن الله ..
وصح لسانك مد بلا عد .. ولاهنت يالجزل ..

صح لسانك .. وبيض الله وجهك على هالابيات الطيبه

صح لسانك أخوي بدر بن مجاهد