من باب المجـــــــــــاراه ........

- هذه الابيات وجدتها متداوله بالرسائل اعجبتني فجاريتها واضفت عليها من باب النصح ولا ادري من صاحبها.....

السنافي بين ربعه له قبول=والردي محدن يحاول يقربه
ومن طلع فوق الجبل عاف النزول=والكفو علم المراجل تكسبه
وكل رجل له مرام وله ميول=وكل طير ينعرف من مخلبه
والجمل يصبر على ثقل الحمول =ومثلك حزام الشدايد نحسبه

المجاراه.....

السنافي مجلسه مدهل زحول=والردي ماولعت فيه حطبه
ومن بغى العليا يشدلها الرحول=ويطرف البيبان لوفيها صعبه
وكل رجل في المواقف مايحول=عن دروب المرجله والطيبه
وانت يالطيب على الصعبه تطول=ومثلكم وقت الشدايد نطلبه
مايعقب قايل القوله بقول=كود من يسحب عقاله يتربه
وانتبه للساكت اللي في ذهول=شاهده وقت اللوازم محربه

_ عبدالاله خاتم القحم

صح لسانك يابو خاتم على المجاراة

وعندي ملاحظه بسيطه على البيت ماقبل الاخير(وانت يالطيب على الصعبه تطول =ومثلكم وقـت الشدايـد نطلبـه)انت ذكرت انك ماتعرف صاحب القصيده ؟؟؟ فكيف تنصى واحد وقت الشدايد وانت ماتعرفه؟؟؟؟؟؟؟؟

ارجو ان تقبل ملاحظتي

صح لسانك واتمنى لك مزيدا من
التألق والابداع ان شاء الله

_ يعطيكم العافيه على الردود .
_ بالنسبه للطيب اقصد فيها ان الطيب كل شي يناله وانت يالطيب ماهو انسان محدد وقت الشده نطلب منك العون او وقوفك معنا لو برأي.... اتمنى وصلت ابن غلاب ويعطيك الف عافيه ....

صح لسانك يا أبو خاتم ومجاراة رائعه والف شكر لإضافتها في منتديات الموازين منتديات الجميع والشكر موصول لأبو عيسى للمتابعة والنقد البناء ومنه نستفيد دائماً..

أبن مصاول

صح لسانك
ماقصرت على النقل

صح ألسانك أخوي أبوحاتم

وتقبل مروري

صح لسانك يابن خاتم على المجاراة

تقبل فائق احترامي ,,,

يعطيكم الف عافيه .... انا من اللي يبحثون عن الفائده ابن مصاول وماقصرت .... ابن غلاب له حق انه ينقد ويفيدنا
بس انا كتبت له المعنى ....