_ مرثية في الشيخ متعب بن محسن بن جبرين رحمه الله ..

( القصيده قديمه )

جاني خبر في يوم تسعه وعشرين=من شهر واحد قالو انه وكادي
علمن يقين وزلزلت دمعت العين=وركز سهوم الهم داخل فؤادي
قالو توفى واحد من آل جبرين=متعب رحل واخذه رب العبادي
مرحوم ياشيخ على العسر واللين=ياللي على الطالات ترقى سنادي
ولعل منزالك بجنب النبيين=وقبرك يفوح بريح مسكن وكادي
ذكرك ترى باقي ولو مرت سنين=ذكرك كما نورن على الناس بادي
وعسى العوض في عيالك اللي مديحين=مامات من عقب رجالن شدادي
ويالله يامنزل تبارك وياسين=تجبر صواب الشيخ راع الشدادي
محمد الجبرين شيخ السلاطين=شيخ العبادل كاسرين الأعادي
وتجبر صواب اللي على الطيب ناشين=محسن وفيصل مرهبين المعادي
والموت حق وكلنا فيه راضين=غصبن علينا لو يزود العنادي
مات الرسول اللي منزه عن الشين=اللي بعثه الله للناس هادي
ويالله يامنزل تبارك وياسين=اتمد عمر الشيخ راع الشدادي

_ عبدالاله خاتم عميش القحم ....

صح لسان الشاعرعبدالاله خاتم والله يرحم الشيخ متعب بن محسن
ومشكور اخوي

تحياتي لكـ،،،أخي العزيز

صح السانك ويستاهل اكثر والله يرحمه ويرحم المسلمين

.... مشـــــــكور اخوي فهد ابن صحران .. ويعطيك العافيه ابن عليان وجزاك الله خير...

صح لسانك يابو خاتم والله يرحم متعب ويرحم موتا المسلمين

والنعم بشيوخ العبادل ويستاهلون

... صح بدنك يابو عيسى ويعطيك العافيه ...

وعليكم السلام ورحمة الله وبركاته وعليكم السلام ورحمة الله وبركاته انا مطيرى عبدلي ساس وسلؤم ميزان ساسي والفصيل القحومه

صح لسانك اخي عبد الاله خاتم ويستاهل الممدوح رحمه الله رحمة واسعة

وهل الشاعر هو العضو أم أخ له؟؟؟؟؟؟؟

صح لسان الشاعرعبدالاله خاتم
يعطيك العافيه ولا هنت

تسلم يابن خاتم يابرنس شاعر واتمنى ان تكتب قصائدك التي لم تكتبها فأنت شاعر جزل وتستحق الإشاده