سلطة مطير اول مصافحه لمنتدى ربعي

(سلطة مطير)

ذيب ٍ رقى في عاليات المراقيب = يوم الجعر تخطيطها في مطيحه
يرقى طميه ما حسب للعواقيب = يجلس على القمه ونفسه سميحه
وده يخاطب نجمة سهيل ويطيب = وينفض غبار اهل الوجيه القبيحه
اللي حكايهم غدت ريب في ريب = جعر جعر والكلب نسمع نبيحه
اثنين والثالث لفوا بالمطاليب = ورابع رفع له راية ٍ من قميحه
تكالبوا بأعلامهم بالاساليب = على قفى ضهور الذيابه نضيحه
واللي على شارع صحافة عذاريب = نفسه على درب الرخامه لحيحه
مقدم الغرات فوق الاصاحيب = ردي ردي ما همه الا مليحه
مشهور في كذبه وسرق المكاتيب = ويقول انا شاعر وعندي قريحه
من منتدى( المعنى) عطوه المقاضيب = من باب ما نبغاك يا اكبر فضيحه
تسرق حروف فلان وتحط وتجيب = ما تدري ان الحق ارضه فسيحه
ومن عقب ما دارت عليه الدواليب = لا زال يجهل فالدروب الصحيحه
لا زالت دروبه على منطلق عيب = بين (الشموخ) وبين ترفه جنيحه
يحتاج له طقه ويحتاج تهذيب = ويحتاج في راسه رقاقة شريحه
وان عودت لمطير وقت الشواهيب = مطير سلطه فالليالي الشحيحه
بقيادة الدوشان بين الاجانيب = الروس مرفوعه فخر مستريحه
رجالنا ينضح رجوله على طيب = وتاريخنا يسمو ليا هب ريحه
ياقافله سيري على قافية ايب = لابد كلب القوم نسمع نبيحه

اخوكم / مسعد بن مدلج





.

الله الله على هذه الرائعه يابو سعود صح السانك ولا عدمناك.

تقبل مروري

مشكورالشاعر مسعد ابن مدلج على الرائعه وصح لسانك وننتضر كل جديد
مروري وتقديري

واللي على الشارع صحافة عذاريب =نفسه على درب الرخامه لحيحه

صح لسانك على البداع الرايع من انسان رايع ومشكور على القصيده

صــح لسانك

صح لسانك ولاهنت

صح لسانك اخوي
وتقبل مروري

سنود يابن مدلج أنت شاعر مبدع ولا علي من اكلام

تقبلوا دوراني ههههههههههههه عفواً مروري

صح لسانك يا أبو سعود وقصيدة جزلة من شاعر جزل ومطير مايهمها من ينبح فكما يقال القافلة تسير والكلاب تنبح...

لا هنت ..لا هنت ولا تحرمنا من قصائدك


أبن مصاول

صح لسانك اخوي مسعد على هالقصيدة تقبل مروري