يابندربن سروروين انت هاالحين؟؟

تدري وش أكبر ذنب في الشرع و الدين؟!=..إنـك تسـب الـلـي خلـقـك و تـذمـه
و تدري وش أكبر عيب عند المياميـن؟!=..انـك تخـاوي لـك مـن النـاس رمـه
و تدري وش أخطار التجاوز من يمين؟!=..إنـه يكـون اللـي علـى البـاب عمـه
والمشكلـه لا سلهمـت فيـك بالعـيـن =والريـح تنثـر فـي شعـرهـا وتلـمـه
يضيـع فكـرك بيـن حـد الحجاجـيـن= و يمكـن تجيـب الكارثـه و المطـمـه
و تدري وش اللي يدبل الكبـد ويشيـن؟!=..بعض القصيـد اللـي علـى غيـر يمـه
يا بندر ابن سرور ويـن أنـت هالحيـن ؟ =ويـن أنـت يـا زبـن الأمـور المهمـه
وين القصيـد اللـي يـدك المياديـن ؟!=.و يهـز شيـخ فـوق رأســه معـمـه
الشعـر والشعـار صــاروا عنـاويـن= و مهبـل تشـري القصـيـد وتصـمـه
صاروا مثـل مـا قـال لعبـة وراعيـن= وكل(ن)تربـع لـه عـلـى رأس قـمـه
يقـول أنـا الشاعـر و غيـري مجانيـن= ودك علـى مجـمـع حنـوكـه تخـمـه
النـاس تذبـح فـي العـراق و فلسطيـن =و قصايـده يـا حلـو عيـنـه وفـمـه
عساه يؤخذ في الضحـى قولـوا (آميـن) =للـي بنـات النـاس شغـلـه و هـمـه
أحـد يحـاول ستـر عـذراء البعيـديـن =و أحـد يـدور بالـردىء بنـت عـمـه
قـد قالهـا بنـدر قبـل عــدة سنـيـن =يثـور معهـا الـحـر و يـثـور دمــه
ولا الـردي لـو مرتـه بيـن قوسـيـن= تـزول عـن عينـه مــزول المغـمـه
يا بنت شومي عن أهـل الضعـف تكفيـن =مالـك ومـال اللـي قـريـب مجـمـه
والشاعـر اللـي مـن رجـالٍ مسميـن= علـيـك فــرض لازم إنــك تتـمـه
الـدار .. والعـادات .. والسلم..والـديـن= ثـم عقبهـا وجـه علـى أيـاة يـمـه

للشاعر نايف بن عرويل

صح لسان الشاعر نايف بن عرويل ومشكوره شويهينه على النقل الجميل

والشعر من بدياته وهو يحمل الجزل والهزل حتى على وقت بندر بن سرور

صح لسان للشاعر نايف بن عرويل


ومشكوره ياشواهينه عـلى النقل


والله يرحم بندر بن سرور
.

لاهنتي ياشويهينه ع النقل لشاعر نايف بن عرويل

ولاهان الشــا عر الكبير ، بندر بن سرور ، رحمه الله واسكنه فسيح جناته والمسلمين اجمعين ،

عبدالرحمن بن غلاب مشكور اخوي على مرورك الجميل

يعطيك العافية على نقل القصيدة الجزله لشاعر نايف بن عرويل دائما تطرحين ماهو مميز الف شكر

ابوركان وراس الضلع تسلمون على المرور المميز

الله الله عليك شويهينه الهيلا ابيات في قمة الروعة

تسلم اخوي محمد الميزاني واسعدني مرورك

القصيدة جميله ولكن الشاعر لم يخرج من معنى بيته هذا للأسف:

تدري وش اللي يدبل الكبـد ويشيـن=بعض القصيد اللي علـى غيـر يمـه

ودخوله هنا كان سيئ للغايه ...حتى لو صفق له الكثيرون

تدري وش أكبر ذنب في الشرع و الدين=إنـك تسـب اللـي خلقـك و تـذمـه
و تدري وش أكبر عيب عند المياميـن=انك تخـاوي لـك مـن النـاس رمـه
و تدري وش أخطار التجاوز من يمين=إنه يكـون اللـي علـى البـاب عمـه
والمشكلـه لا سلهمـت فيـك بالعـيـن=والريـح تنثـر فـي شعرهـا وتلـمـه

فقصيدته للأسف لا تخرج من القصيدة التنظيرية التي تسببت في ضعف القصيده.


مشكورة اختي شويهينة الهيلا ولا هنتي على النقل

أبن مصاول