:: غـــــدر المشاعر::

غير متواجد حالياً

الا الذي يهمها الأمر كـم بـاااك=عندي دواحالتك والحيـن اداويـك
فالك مع الي مثل ممشاه ممشـاك=يسقيك من كاسن سكبتيـه بيديـك
ماعاد فيها حب لاعـاد طريـاك=لاعادهـا الله ساعـةٍ عرفتنيـك
شوهتي معنى الحب ياشين مغزاك=اسود من القطران مابيـن كتفيـك
الكذب عنوانك من اقصاك لدنـاك=والشك لونك والخيانـه مساعيـك
بعيون طبعك شفتي الكل شـرواك=شوفي بعينك وانظري من حواليك
لاتجمعي بالحكم ياحقل الأشـواك=اصابعك ماهي سوى شوفي يديـك
ولا الذكاء اغـراك وبعيـد وداك=وانا اللذي على خيلاتـك اعطيـك
ورحتي على جوك تزيدي بلايـاك=لـو ودي اجازيـك والله لشقيـك
لأخلي الجيـران يـدرون ببكـاك=والي رفع سبع السماوات لكويـك
لملاحياتك غبن وشكوك وعـراك=لخلي احبابك والأصحاب تبكيـك
لاكن انا طبعي ولا أظن يخفـاك=اشوم عن مثلك ولاأتبع مماشيـك
اناارتفع واحقرك لاشفت ممشـاك=حقرت حتى القاف لاصار يعنيـك
حطي حلق بذنك وحذراك حذراك=خَوفي من الله بس خلاني اعفيـك
لاتحسبيني واحدن مـن ضحيـاك=قصدك تعشيني وانا الي متغديـك
من يوم ماشفتك واحـس بنوايـاك=قلت اظمنك واحط لك فبيض الشيك
بصمتك والتوقيع واتبعك لقصـاك=قلت اجمع الثنتين ابحذرك وابيـك
يمكن يغير دور الأيـام مسعـاك=اويمكن يجي في دورها الي يبريك
إنكان ظني صاب ماخاب ويـاك=أهديك اقسى درس علـه يربيـك
وإن كان ظني خاب والعيب عداك=قلتلك دوك الشيـك شقيـه بيديـك
اخذي كلامـن ياصلـك ويتعـداك=كلام واضح مايجي فيـه تشكيـك
مالي فخرفي مثل جنسك وحليـاك=لاكن خذيها درس عله يصحيـك
لاتلعبين بعاطفة كـل مـن جـاك=غدرالمشاعرتقهر الـي يصافيـك
ودايم على الظالم يدورن الأفـلاك=ابتركك وانا ترى قـادر امحيـك
غيري ترا يمكن بالأقدام ياطـاك=انتي وغيرك واجد الـي يحاليـك
والي يسوي انـه انسـان فتـاك=لابد من يومـن تجيلـه تفاكيـك
الا الذي يهمها الأمـر كـم بـاك=روحي عساك بجاهلن ينتقم فيـك

منقووول