رسالــه الى متــذوقــي الشعـر

السلام عليكم ورحمة الله وبركاته

اخواني اعضاء منتديات الموازين

يشرفني ان اكون احد اعضاء منتداكم الراقي والجميل

بكل مايحتويه من اعضاء ومواضيع

واشكر الاخ والشاعر المميز \\عبدالرحمن الميزاني على الدعــوه

ويسرني ان اطرح هذه القصيده بين ايديكم
ا
تمنى ان تنال اسحسانكم


_ كريــــم يابـــرقٍ بـــدى لـــــه تــــرزام **** متعطشــين الشــــعر يــروي ضماها

_ يمطر وينبت له نـــواويــــــر وخـــزام **** عــذب المعــــاني منه كــــــلٍ جناها

_ ينتج خليــــط ابـــداع وافكـــار والـــهام **** يصــوغهــا شعـري وكلن قراهـا

-قصيـــدتي عــــطــر وشــــذا ورد وانغام ****تبقى ...ويبقى بالمســـــــامع صداها

_ الـله واكــــــبر ياتصـــاريف الايــــــام **** ماحدٍ عرف مضمــونها وش خفاها

_ مرات تضـــبط لك وتمشـــــي بك ارقام **** ومرات تتــــــكدرويصـــعب دواها

_ حتى ولو زانت لك شهـــور واعــــوام **** ان ماشكــرت الله يحـوشــك رحاها

_ شفت الليـــالي كـــيف ســوت بصـــدام **** الـله يكافيـــــنا السنــيــن وغثـــــاها

_ والكـــــــون ذا مخلوق بأبـــداع واحكام **** سبحــــانه المعــــبود اتقـــن بــــناها

_ سبحان!!مـن يحي الاجــــنه فالارحـــام **** فالبطــــن يوصلـها غذاها ومـــــاها

_ وسبـحان!!من ساق المطــر سحب وغمام **** وديــان ماجاها ....و وديـــان جاها

_ وسبحان!!من عافــــاك بجلــــوس وقيام **** وبعــض الاوادم ماتحـــرك اعضاها

_ انا كـــــتب فيهـــــــا يجفــــن الأقـــــلام **** وقصـــيدتي تنبـــيك عــن محتواها

_ (امر شي)..يصــــــــير من فوقك اقــزام **** تبـــــغاك تمشــي تحتها وبرضاها

_ (واحر دمعه) دمعــة ضـــــعوفٍ أيـــتام **** صــار البقـاء في رأس عـــمٍ كلاها

_ (وأقسى فراق) افرق غالـــــــين واحشام **** حصل خطا وأبليـــــس زود لظاها

_(وألذ حاجه) وصل مقطــــــوع الارحام **** تطلب اجر...ولا تـــــدور وراهــا

_ والآدمـــي لولا الامـــــــــــاني والاحلام **** ماصارع الدنـيا وكابــــــــد عناها

_ تمشــــــــــي بنا الايـــــــام والعلم قــدام **** والكل منا..عـــــــارفٍ منتهــــاها

_ نهايـــــتك!!بتحـــــط في كم متر خــــام **** ويهال فوقك رملــــــها مع حصاها

_ ويالــله عفوك يوم زلات الاقــــــــــــدام **** في يوم تلهى المرضعه عن ضناها


اخوكم \\\سيف الراشد

الله الله على هالدرر الرائعه كروعة شاعرها

صح لسانك يابو مطلق ونتطلع الى المزيد من ابداعاتك

الشاعر القادم بقوة الى منتدياتنا سيف الراشد صح لسانك واعتلى شانك وقصيدة ملئة بالحكم والمعاني الراقيه..

انا كـــــتب فيهـــــــا يجفــــن الأقـــــلام

لم أفهم كلمة (انا) في بداية الصدر من هذا البيت هل هناك خطأ إملائي؟؟

هل تقصد (مهما)

(وأقسى فراق) افرق غالـــــــين واحشام

أفراق الثانيه سقطت فيها الألف ؟؟أم لا؟؟


القصيدة كاملة جزلة ورائعة من روائع الشعر

أبن مصاول

عبدالرحمن الميزاني

لاهنت على المرور

وصح بدنك

ومنك نتعلم


اسعدني مرورك

بن مصاول

مرحبا بك وبمرور الجميل

((انا كـــــتب فيهـــــــا يجفــــن الأقـــــلام ))

مكتوبه صحيحه اتكلم عن نفسي وافتخر بمقدرتي الشعريه


(وأقسى فراق) افرق غالـــــــين واحشام

لافض فووك وتسلم على التدقيق

فعلاً الالف سقطت

والصحيح
(وأقسى افراق) افراق غالـــــــين واحشام

اسعدني مرورك

صح الساااااااانك...أخوووي
ويعطيك...ألف...عافيه
ولك خالص تقديري

بيض الله وجهك . . وصح لسانك . .
والله يعطيك العافية . . صراااحة قصيدة ولا أروع . .

وحياك الله أخوي سيف في منتدى الجميع منتدى الموازين . .
وسعداء بإنضمامك معنا . .

وبكل شوق ننتظر جديدك .

صح لسانك يابو مطلق ونتطلع الى المزيد من ابداعاتك

صح لسانك اخوي
لاهنت

صح لسانك يابومطلق على القصيدة.وتنقل لشعراء منتديات الموازين.لان الشاعر سيف الراشد اصبح الان من شعراء منتديات الموازين.