الحب الاول صعب نسيان راعية

الـحــــب الأول
أقول بنسى وأحسب انـي نسيتـه
الحب الأول صعب نسيان راعيـه
عانيت في بعده كثـر مـا هويتـه
لا احتلت في قربه ولا نيب ناسيـه
لو اني أقـدر جيتـه كـان جيتـه
اللي بقوله آآآآه ويلي علـى أجيـه
بس البلا أنـي كلمـا جيـت بيتـه
أخذ ثلاث أيام مدري (شنـا) فيـه
ليل ونهـار وليـل واللـي قفيتـه
وأنا مابين أسمه ورقمـه وطاريـه
الله عطاني مـن غـلاه وعطيتـه
وغيره بغى مني ولانيـب معطيـه
قالوا هويتـه قلـت أأيـه هويتـه
قالوا تركته قلـت مانـي مخليـه
له منزل" في وسط روحـي بنيتـه
جدرانه ضلوعي وهو ساكن" فيـه
دورت له بيـن الضلـوع ولقيتـه
خلف الضلوع يبين(ماطى)خطاويه
واليوم لا أحتجت اللقا ماأحتريتـه
حتى ثره من بين الأضلاع ما حيه
ياجعـل يسقـى عادنـي لا بغيتـه
يغفى على ضلعين صدري وأصحيه
ما فيه شخص في حياتـي بكيتـه
الا الذي قد مـات مانيـب راجيـه
لكـن هـو حـي ومـع ذا رثيتـه
من قلبي اللي أحسـن الله تعازيـه
حملـت قلبـي بالهمـوم ورجيتـه
كني ما عرف الا غيابـه وأحاتيـه
أقـول بنسـى وأثرنـي مانسيتـه
الحب الأول صعب نسيان راعيـه
الشاعر:حمدان المري
نقلتها :لمعة الماسة حساسة

صح لسان الشاعر.ومشكوره على النقل المميز

شـكــ وبارك الله فيك ـــرا لك ... لك مني أجمل تحية .

أقول بنسى وأحسب انـي نسيتـه
الحب الأول صعب نسيان راعيـه


كما تعودنا من لمعه الماسه الشى المميز

اهنئيك على الذوووق

كلمات راقتلي كثير

تحياتي لك

شـكــ وبارك الله فيك ـــرا لك ... لك مني أجمل تحية .

سلمت الايادي يالغاليه على هذا النقل الراائع
ويعطيك,,,,ألف,,,,,عافيه
ولكي,,,,,كل,,,,التقدير,,,

شـكــ وبارك الله فيك ـــرا لك ... لك مني أجمل تحية .