شوفوا احدى طرق النصب والاحتيال

السلام عليكم ورحمة الله وبركاته

وبعد ياجماعه فيه قصة حصلت وحبيت اقولها لكم اولا انا والعياذ بالله من كلمة انا من سكان جده والقصه ذي قالها لي اكثر من واحد حضروها في مسجد الامير منصور بحي النزله بجده مسجد معروف فيه محل غسيل وتجهيز الموتى الله يجزاء المحسنين خير اللمهم القصه يقولون اذن الظهر وبعد الصلاة تقدمنا للصلاة على جنازه وقبل تكبير الامام قام احد الموجودين وطلب من الامام بعدم الصلاة على الجنازه والسبب انه يطالب المتوفي سئل الامام وين اهل المتوفي ورد عليه شاب عمره حوالي 16عام يماني الجنسيه انا ابنه قال صحيح هذا الرجل يطالب والدك قال نعم رد عليه الامام وليه ماسديتوه قال ظروفنا الماديه صعبه للغايه ووالدي له حوالي خمس سنوات طريح الفراش ولانملك شيء وانا اكبر اخوتي والبقيه بنات سئله الامام كم المبلغ على المتوفي قالوا الاثنين عشرة الاف ريال كان المسجد مكتض بالمصلين واهل الخير رد احد الموجودين والله اعلم هل هو مع اهل الجنازه او طالب المبلغ اقصد صاحب المبلغ المطلوب من المتوفي او كان متواجد وقتها الله اعلم ياجماعه عندي اقتراح مدوا يدكم يااهل الخير موفق مالكم فيه الا اجر ونجمع المبلغ اذا قل يقبل الرجل ويتنازل عن باقي المبلغ واذا زاد نعطي الزياده لابن المتوفي وضعوا منديل والكل يرمي من المحتسبين للاجر ويدورون ماعند الله الله يكثرهم يقول احد اللي حضر شاف بعينه احد الموجودين من اهل الخير دفع 5000 الاف ريال واللي خمسميه اللمهم جمعوا مبلغ يزيد على العشرة اعطوا الرجل العشرة والباقي سلموها لابن المتوفي وصلوا على الجنازه وبعد الصلاة شالوا الجنازه متجهين للباب كالعاده حيث تتواجد سياره لنقل الجنازه وعندما خرجوا سئلوا وين اهل الميت يدورون يمين شمال ولم يجدون احد وعندما نزلوا النعش ورفعوا الغطاء وجدوا موضوع مخده طويله محل الجنازه لاحول ولاقوة الا بالله شوفوا التحايل والنصب وصل في الناس لفين ويستغلوا طيبة هالشعب ولاكن الحمدلله هذا شيء يشرفنا الله يكفينا الشر ويديم علينا نعمته وتقبلوا تحياتي

يعطيك العافيه اخوي نواف على هذا الموضوع الغريب حقاً ولكن اللي نقلت عنه الخبر كذووووب ملاخ جداً..

لأن السالفه هذه لها أكثر من 3 سنوات وقد جرت أحداثها في مصر إن صحت أيضاً ولكن الكذوب السعودي اللي هو من اهل جده حورها على انها سالفة سعودية واتهم بها هاليماني اللي لم يكن طرفاً في القضيه فكفانا كذباً على عباد الله ....وهاليمانيه يلاقونها من فين ولا من فين؟؟

المهم السالفة أساساً مصريه ,,,الشخوص حتى الذين جرت عليهم الأحداث في القصة المصرية مشكوك في امرهم

ودمت بخير يا غالي...ولا تنسانا من جديدك يا نواف وكتبوا منقول على المواضيع

الي هذا الدرجه وصل الامر بهم اعوذ بالله

نواف شكرا علي هذا الموضوع ..

وتقبل مروري ........

يعطيك الف عافية اخوي نواف

	سوال يانواف /// هل بحثت عن المصدر عن الخبر طبعا لايوجد مصدر انما اخبار تساذبه نواف الاخبار الثي تحدث في بلادنا السعوديه عن مواضيع فيه جررائم وهذا الاخبار تاتي من خارج السعوديه اعتبره نصب في نصب يعني بالعربي الفصيح لا تصدقهم هم يحاولون التشويه والسمعه فانت لا تصدق على كل حاال تقبل مروري

الله المستعان

بس شكلهم مصاريه