امحق وجيــــــه ..

الطيب كايد والحضيض احتفابه = احدن صديق الطيب واحدن معاديه
رجلن يبي طاريه عند القرابه = ورجلن يجي طاريه ماحدن يزكيه
ورجلن زها لطيب واكرم شبابه = ورجلن يجيه الضيف يبخل يعشيه
ورجلن على ماقيل راعي خرابه = ورجلن يجي نومه وماحدن يغطيه
ورجلن ينم بصاحبه في غيابه = ورجلن يغيب صويحبه ماحكو فيه
ورجلن طريق المرجله مانتهابه = حكيم راي ينومسك في مباديه
ورجلن فرش للمرجله عند بابه = ورجلن فني والمرجله ماتحليه
وقتن طحنا بين ضرسه ونابه = وليا جرح غبر الليالي تهنيه
هذا زمان مفرقين الذيابه==من كثر ضلم الناس كبرت علابيه
منهو حكا بالناس كلن درابه = ومن لا يقدر شيمتك لا تخاويه
الناس ماهي بالمراجل تشابه = ماقلت لك بعض الوجيه امحق وجيه

صح لسانك ومافيك حيلة

يشرفني تكون اول المتواجدين اخي برق .. وصح بدنك ..

منهو حكـا بالنـاس كلـن درابـه
ومن لا يقدر شيمتـك لا تخاويـه
الناس ماهـي بالمراجـل تشابـه
ماقلت لك بعض الوجيه امحق وجيه
ياسلام عليك صح لساااااااااااااااااااانك مليون ومافيك حيله سجل اعجابي بنص وشهادتي فيك مجروحه

صح لساانك

قصيده جزله من شااعر جزل

تحيااتي لك

مجري خضر . اسعدني تواجدك في متصفحي .. ونورت صح بدنك ...

عيد المطيري .. صح بدنك ومنور الصفحه ..

صح لسانك اخوي ثامر

قصيده رائعه ,,

تقبل مروري

صح لسانك وسلمت يمناك ..

صح لسانك واعتلى شانك على القصيده الرائعه