قصيده وجهتها لصديقي الشاعر جرى الهِنشل ورده عليها

غير متواجد حالياً

هذه القصيده وجهتها لجارنا العزيز جاري الهنشل واخيه الشاعر جري عبدالرحمن الهِنشل لماتربطني بهما من صداقه قويه وجيره
حفظ الله الجميع من كل مكروه

ياعزوتي هات القلم واتقن الخط =وعن مايدور بخاطري لاتخطا
من خوف لايلحقني النقد وانحط = واصير بعيون النشاما موطا
نقالة الشَفه لها الطيّبه عط =والدون خله بالسرائر مغطا
واكتب لابو تركي من الشعر ماشط = اللي على سِلم القبائل تسطا
ماتستوي من مثله لمثلنا قط =رميه بدون عيار عجلة منطا
وان كان قابلك بوفا لاتشرط = العفو عند المقدره له محطا
وان كان عن مايفلج الشارده نط =عود على شيخٍ له الطيب غطا
(ابوفهد) قله بماصار واحتط = خلك حريص وللعرب لاتوطا
ترى (جري ) يدرك للاحداث لوغط = دارس علوم الفلسفه والمؤطا
سلم عليه وبلغه مني الخط = وعن غير زوله يافتى لاتخطا

فكان رد الشاعر جري بهذه الابيات

ياعزوتي هلل ورحب وقلط =في سدة اللي جارهم مايلطا
وبنٍ وهيل وزعفرانٍ مخلط = في دلة فوق المناره تحطا
وعُودٍ يرد الروح ريحه ليا عط = على مناعير النشاما يعطا
وكبشٍ لعكفان الشوارب يقلط =رغم الزمان اللي على الناس وطا
يستاهله من خط له يمنا خط = اللي على اسلاف العرب ماتخطا
لكن في جاره بالاسنان عرط != واظهر له المكشوف دون المغطا
وشلون لو ثوبه على المتن ينقط = مثلك يجيب له الغطا ويتغطا
بالجار والصاحب ابد مانفرط = من خوف قالاتٍ علينا تحطا
(يامضحي)اودعت المعاليق تشتط = ومن السهل نزلتني فوق شطا
شط البحوراللي بها يسبح البط = وانا ما اعرف عوم ماني ببطا
لكن اجاري من ذكرني واخطط = تخطيط مأمونٍ من العيب قطا
له مني التقدير مهما تسلط = امشي على اثره لو للاقمار نطا
شاعر على عسر المواقف مسلط = ماقف حروفه كلبوها على الطا
وانا قطاري وان مشى مايبنط = في كل موقع له مكان ومحطا