رنج روفر

راكب اللي مامشن محركاته = تو جا المينا على ظهر السفينه
طالبه شغموم عِشقه حُب ذاته = رنج روفر والختم فوق المكينه
جَهزه من مصنعه بمواصفاته = كل شي بِرمج على لمسة يدينه
شاشته رادار ترسم مُجرياته = لامشى بالخط تكشف راصدينه
دبلوماسي لونه وفي مقعداته = النعومه لاجل راحت راكبينه
والابنص ان لامست رجلك شباته = فز فزت ديسكفر يسبق رطينه
منوة اللي شوقه ابعد عن حياته = مايصله الا الذي عايف سنينه
ظبي نادر بالحيا كامل صفاته = من قدم رِجله ليا هامت جبينه
لاتوشح برقعه واسبل عباته = زاد من قدره على قلبي سكينه
صرت انا اغلي نجد من زايد غلاته = لومافي نجد لي مطمع كبينه
يارسيلي لاتهنيه بمباته = دق سلفه واستلم خط المدينه
واتجه للشرق هات العلم هاته = من عديل الروح خافيه استبينه
هل على ماكان والا افكار جاته ؟ = اختلف ظنه وشكك في ظنينه
عطني المضمون واستدرك وصاته = واخبره اني على عهده ودينه
وان جهلت الدرب ابحث عن ثقاته = من ورى ظَلم اسأل اللي عارفينه
لاتجي الا بعد تاخذ رواته = والحذر يامرسلي تبحث كنينه
وارجع بليلك قبل تاخذ سباته = عطني المضمون من عند الضمينه

اخوكم / مضحي السلمي

يامرحبا مليون يابو ماجد ( راع الوفا )
اسم له وزنه ونفخر بانضمامه الى هذا الصرح الشامخ بين كوكبه من المبدعين
وصح لسانك والله وصحيت كلك
على هالقصيده الجزله
ونطمع بالمزيد من فيضك الراقي ياخوي مضحي
لك ودي وتحيتي .. اخوك ابو نواف

ابن الشاعر القدير
المهلي مايولي يابو نواف ولي الفخر ان اكون بينكم ولاتنسى ان لي فيكم خوال
كل عام وانتم لالف خير

صح لسانك اخوي راع الوفا تقبل مروري

صح لسانك أخوي راع الوفاء وتنقل لقسم شعراء منتديات الموازين

الذكريات كل عام وانتم بخير
اشكر لك التواجد في متصفحي بؤرك فيك

صح لسانك اخوي راع الوفا ع هالقصيده

الجزله الله لايهينك تحياتي لك وحترامي

الاخت المشرفة القديره ملكة القوافي

اشكر لك نقل مشاركتي لما رائتيه من القسم المناسب لها
واتمنى ان اكون عند حسن ظن الجميع

قصيده اكثر من جزله ويعجبني الوصف فيها لك مني كل الاحترام

راع الوفا صح لسانك على القصيده الجزله

تقبل مروري