دُره

اخواني واخواتي في منتديات الموازين الافاضل

جديدي المتواضع لايحتوي على الكم وانما يداعبه الكيف فعسى ان يرقا لذائقتكم

على بحر والا نهر والا على مَسّقا نجل = والا على عشب الصحاري بالعصر والجو غيم
ماتختلف في مشيها تمشي مثل مشي الحجل =خطوه بخطوه 00 قرع حطت رجلها هتان ديم !!
لاسلهمت بعيونها للمهتوي 00 صابه خجل =وان طاحت الطرحه ظفايرها يداعبها النسيم
رزانه وثُقل وادب واخلاق ماتحب العجل = عميقه اعمق من بحر دُره لها شأنٍ عظيم
تفتن قلوب اهل الهوى نظرة نواعسها النِجِل =مابين كاف ونون رميتها تمكن بالصميم
كم عاشق لبيض العذارى من مقابلها وجِل = تغدي ثمانه عشر والعشر اربعه حاله سقيم
مصيونة العِرض الله اللي صانها عز وجَل = لاشك هذي عشق قلبي يوم كلٍ له غريم!!!

كم عاشق لبيض العذارى مـن مقابلهـا وجِـل
تغدي ثمانه عشر والعشر اربعـه حالـه سقيـم
مصيونة العِرض الله اللي صانهـا عـز وجَـل
لاشك هذي عشق قلبي يوم كـلٍ لـه غريـم


صح لسانك وبيض الله وجهك على هالابيات الجزله

يشرفني انا اكون اول واحد يرد ..


يعطيك الف عافيه يابو ماجد .. وبنتظار كل جديد منك

صح لسسسانك يابو ماجد

وأنت تجيد أيصال فكرتك بعيداً عن الكم والإهتمام به

فـ لله درك ياجميل ،

تحياتي

صح لسانك أخوي راع الوفا مبدع دائماً

على بحر والا نهر والا على مَسّقا نجل = والا على عشب الصحاري بالعصر والجو غيم
ماتختلف في مشيها تمشي مثل مشي الحجل =خطوه بخطوه 00 قرع حطت رجلها هتان ديم !!

ياساتر على المشد والقصيده يابو ماجد
صح لسانك ماتكفي بحقك
انا اشهد انك مدرسه شعريه
ومافيك حيله الله لايضرك
ولك اسلوب وبصمه خاصه تتميز بها
وتستهوي كل صاحب ذائقه
وانا اشبعت ذائقتي بها البيتين

ولاتبخل علينا بالجديد
ياصاااااحبي
.

راع الوفا

صح لساااانك حتى ترضى

متابع لا بداعك المتجدد الصافي

شاعر شهادتي بك مجروحه

لاهنت على هالابداع الوافر

تحيتي

الاخ القدير ( مواعيدك سراب )

دائما وابدا تجنح للاوله طال عمرك

اشكرك على مرورك الطيب

صح لسانك يابوماجد

لااله الا الله ماشاء الله تبارك الله الله لايضرك يابو ماجد
صح لسانككككككككككككك
حتا ترضى تقبل تحياتي

اخوي راع الوفاء
صح لسانك على هالقصيده الجزله والوافيه
دمت بخير