لابن مصاول وراس الضلع طوالي والرمح في ذمتي لازم يقلبها

سلام ياربعنا في المنتدى الغالي=تحيهً مرسله من يم كاتبها
لابن مصاول وراس الضلع طوالي=والرمح في ذمتي لازم يقلبها
ولشبل غلاب ماينسى على بالي=ربعً فخرها على قوة مناسبها
وتضفي على المنتدى رجال رجالي=اخاف ننسا لنا واحد نخربها
وماذكرت الربايع عزي لحالي=العنصريه لزوم انا نحاربها
احصيتكم كلكم ولايروالي=الناس من طبعها تذكر حبايبها
وسلام ياربعنا في المنتدى الغالي=ميزان للمرجله والطيب كاسبها
مجلس موازين فيه الطيب ودلالي=وظيوفهم لقبلت تبشر بواجبها
والله يستر علينا دق وجلالي=اشوف لي عالمً خربت مذاهبها
ان جاهم الظيف يقعد في الخلا الخالي=والدله البارده متى يجيك ابها
الظيف يجلس وهو يلعب بجوالي=رسايلً فاضيه قدمه يقلبها
ويستقبل الظيف ببلوزه وسروالي=الله يامقبح الصوره وصاحبها
وانما لقيت الكريم وطيب الخالي=الله خلقها وسع لك مناكبها
واليا مسكت العنان ولاانت خيالي=امسك عنان الفرس ولاتجنبها
وسلام ياربعنا في المنتدى الغالي=تحيةً مرسله من يم كاتبها

والى القاءالى بعد العيد ان شاء الله كل وانتم ونحن بخير

بيض الله وجهك اخي مسند وصح لسانك

والى القاءالى بعد العيد ان شاء الله كل وانتم ونحن بخير

تونا يابن الحلال والدعوى بسيطة جهاز ومن أي مكان ههههههههههههههههههههههههههه

الله يسهل دربك اخي مسند ويجعل الخيرفي وجهك أينما وليت وكل عام وانت بخير

أخوي مسند يعلم الله اننا أحببناك اخاً وشاعراً مميزاً منذ ولوجك و في أول خطواتك في داخل هذا المنتدى ونحن قد كسبنا مكسباً عظيماً بتواجد امثالك من الشعراء بيننا

صح لسانك 1000 يا شاعرنا المميز

ثانياً:

نحن يعز علينا أن تتركنا الفترة القادمه وإن شاء الله تتحسن الظروف التي حدت بك ان تتغيب حتى بعد العيد إن شاء الله ونراك قريباً بيننا

ان جاهم الضيف يقعد في الخلا الخالي=والدله البـارده متـى يجيـك ابهـا
الظيف يجلس وهو يلعـب بجوالـي=رسايـلً فاضيـه قـدمـه يقلبـهـا

والله انك صادق ويا كثرهم هاليومين

ننتظرك ولا تنسى اللقاء فسوف يكون بحول الله بعد العيد مباشرة

صح لسانك بيضتها يامسند

بيض الله وجهك

ويستااهلـــوون كـل خير

والله يستر عليك وترجع لنا بالسلامه

صح لسانك اخوي مسند على هالقصيدة لاهنت

بسم الله الرحمن الرحيم
ويستقبل الظيف ببلـوزه وسروالـي = الله يامقبـح الصـوره وصاحبـهـا
اوا الله صدقت وصح لسانك مدد بلا عدد
وبيضالله وجهك على هالقصيده الجزله يابومازن
تقبل تحياتي وتقدير

صح لسانك يامسند وبيض الله وجهك وترجع سالمن بحول الله عز وجل

اخي مسند صح لسانك على هالشعور الطيب وبيض الله وجهك على كل حرف كتبته



شكرا جزيلا لك

والله انك زحزيح ياولد القرووم


اشكرك على هذه القصيده الموجهه لربع الموازين ولاهي بغريبه منك ياشاعر الموازين

تقول:

مجلس موازين فيه الطيـب ودلالـي ×× وظيوفهـم لقبلـت تبشـر بواجبهـا

عزالله انك صادق الموازين كلهم اهل كرم وواجب الضيف مانسونه

.

بيض الله وجهك وفيت وكفيت يالقرم