مساجله ،محمد غازي

بسم الله الرحمن الرحيم

هذه مساجله بيني وبين العلم الشاعر المبدع /محمد غازي الميزاني , (أبو عبدالله)

شاعر محتمي ميقافه نشوف المرجله في عينه .والطيب في يمناه .والوفا والإحترام في معاملاته >طول الله عــــــــــــــــــمره.

سلام ردة وفى تنصا زبون الثقال=الخير محمالها والطيب يبرالها
مضمونها عزها للقرم كر م السبال=راع الأصيله وفالميدان خيالها
الشاعر اللي مايارد غير عدٍ زلال=يحل عقداتها لاهاب حلالها
عبدالله اللي يتمم في حقوق الرجال=إليا حضر للحمول الجايره شالها
أنا سنين أترقب فوق روس الجبال=أخايل اللي يشوق العين همالها
الريح تبغى تفرقها جنوب وشمال=لكن ماضنتي تبقى على حالها
لاياعرين الأسد يمك نشد الرحال=وتبقون مفخر وعز مطير ورجالها
من بعدها يامحمد يا حميد الخصال=باللي توفّي على الكفات مكيالها
اللي يردك عن أخصامك قتاله حلال=لوكان أبن عم ليه ايصير مأوى لها
ليتك بحربتك قصيت العقد والحبال=من شان تضبط لك الدله وفنجالها


رد أبو عبدالله :


يامرحبا عدّ ماهلت قنوف الخيال=واراف عرق الدهر واسقاه وبالها
يالنادر اللي نعده فاللقا راس مال=من روس قومٍ معزتها من أفعالها
الصاطي الهيلع المعتادصيد الجزال=مبداه قال القصيد وسره عقالها
ماجد ليا صعبت القالات عرب الخوال=من نضرته مايعقلها على فالها
مدري وش الحال كيف أعرف خواف الحوال=لكن من واصل الطالات وصالها
يقراني الوقت إجابه قبل مبدى السؤال=ومن تعب ارسالها يتعب لمرسالها
حنا على هقوت أهل العرف مضرب مثال=ومراقب العز تندبنا ونرقالها
هذا هوالحال نسعى والبقا والكمال=لله والنفس منزلها بمنزالها
انته تعلمت من علمك فنون القتال=لكن علمني الأيام وش حالها
أنا حضوري صباح يفج ضلما الليال=والمعركه عمها حاضر وأنا خالها

.

صح لسانك أخوي ماجد وصح لسان شاعرنا الكبير محمد غازي الميزاني وهو غني عن التعريف

لفت إنتباهي إسنادك للقصيدة على عبدالله ومحمد يكنى "بأبوعبدالله"

تحياتي لك

مساجله مميزه من شاعرين مميزين

صح لسانك أخوي ماجد الشلاحي على هالقصيده الجزله
وصح لسان الشاعر/ محمد غازي على رده الوافي
وابو عبدالله غني عن التعريف
ولا هنت على نقلها
.