رنج روفر

القدير الحميدي بن فارس
طبت وطاب تواجدك في متصفحي
مقدر لك مرورك الطيب

المشاركة الأصلية كتبت بواسطة راع الوفا

راكب اللي مامشن محركاته = تو جا المينا على ظهر السفينه
طالبه شغموم عِشقه حُب ذاته = رنج روفر والختم فوق المكينه
جَهزه من مصنعه بمواصفاته = كل شي بِرمج على لمسة يدينه
شاشته رادار ترسم مُجرياته = لامشى بالخط تكشف راصدينه
دبلوماسي لونه وفي مقعداته = النعومه لاجل راحت راكبينه
والابنص ان لامست رجلك شباته = فز فزت ديسكفر يسبق رطينه
منوة اللي شوقه ابعد عن حياته = مايصله الا الذي عايف سنينه
ظبي نادر بالحيا كامل صفاته = من قدم رِجله ليا هامت جبينه
لاتوشح برقعه واسبل عباته = زاد من قدره على قلبي سكينه
صرت انا اغلي نجد من زايد غلاته = لومافي نجد لي مطمع كبينه
يارسيلي لاتهنيه بمباته = دق سلفه واستلم خط المدينه
واتجه للشرق هات العلم هاته = من عديل الروح خافيه استبينه
هل على ماكان والا افكار جاته ؟ = اختلف ظنه وشكك في ظنينه
عطني المضمون واستدرك وصاته = واخبره اني على عهده ودينه
وان جهلت الدرب ابحث عن ثقاته = من ورى ظَلم اسأل اللي عارفينه
لاتجي الا بعد تاخذ رواته = والحذر يامرسلي تبحث كنينه
وارجع بليلك قبل تاخذ سباته = عطني المضمون من عند الضمينه

اخوكم / مضحي السلمي

الشاعر مضحي السلمي العزيز صح الله السانك ما شاء الله عليك قصيدة في قمة الجزاله والله ما قصرت تقبل مروري واعجابي

صح لسانك اخوي راع الوفا

الشاعر الفاضل متعب الزنغوب
اشكرك على تواجدك وما انا الا تلميذ في مدرسة الشعراء حفظك الباري

صح لسسسانك يالسلمي


شاعر يجبرلك لمتابعته

ننتظر القادم

لا عدمتك

حياك الله اخ مضحي السلمي ... وحي ما اتيت به من جزاله في هذا النص الوافي ...يالقرررررررم

تقبيل مروري وسجل اعجابي

...اخوك/ماجد الميزاني

الشاعلا محمد ماجد الميزاني الغالي
هلا وغلا فيك وفي تواجدك بمتصفحي يابعدي

البناخي مضحي السلمي صح لسانك وقصيدة جزله من شاعر جزل ..ولا تنسانا من جديدك

ياسلام
ابداع وربي
وجمال وصف
نشكرك على هذا النص
لاهنت يالغالي

الاعزاء برق وماجد محمد اشكركما على تواجدكما حفظكما الباري سبحانه