الهاجس /لشاعر حمدان حمد الجعفري المطيري

غير متواجد حالياً

الله من هاجساً يطري علـى بالـي=والياطرالي يطير النوم مـن عينـي
ماني بمرتاح منـه ولانـي بسالـي=ماكنـي لإمطـعـن بالسكاكيـنـي
يجري مع الدم حيث الـدم ماسالـي=مع نبظت القلب واصل للشرائينـي
لاوالله لإذبحنـي واتعـب الحالـي=ناراً بجسمي تزيـد ونـار تكوينـي
وشلون أباصبر عليه أيام واليالـي=وادوّر اللي من جروحـي يداوينـي
وقتاً تغّيـر وغيـر معـه الافعالـي=حتـى القرّيّـب لياجيتـه يعادينـي
وبعض الرياجيل تضرب فيه الامثالي=مكسب لربعه بوقت العسر والينـي
كريم سبلى وذكـره عندهـم غالـي=عنوان غطى على كـل العناوينـي
عداً من الطيّب جمه واصل الجالـي=أسمه مدوّن علـى كـل الدواوينـي
مذكور مثل المطر بالخيـر همالـي=يمنـاه تنفـق ولاعـد الملاييـنـي
وبعض الرياجيل يجهل كل الاحوالي=نقص بحياته على الداني والاقصيني
ماهوا مـع الاولـه تلقـاه بالتالـي=متجوّداً بالبخل والمذهـب الشينـي
والمجلس اللي بناه من الكرم خالي=أمسكّر الباب عنه النـاس مقفينـي
واليامشا تعّرفه مـن بـد الازوالـي=أخطاه تقصر عن اللي معه ماشيني
مايكّسب الطّيبه ومـن الرداشالـي=طبعـه كـذا مايميّـز بالموازينـي
وتمت وصلوا على اللي منسبه عالي=محمد اللي موصينا علـى الدينـي