مساجله شعريه

اخواني الكرام اعود اليكم بعد الانقطاع بهذه المساجله الشعريه التي جرت بيني وبين الشاعر فواز الفالح الحربي رئيس مركز ذوقان واليكم القصيدتين

هذه قصيدتي

لي شرهةٍ تنصا الرجال الحشيمين = اهل الوفاء ومعربين الجدودي
العلم مايصلح على شكل وجهين = وين الوعد يامخلفين الوعودي
سألت عنهم قلت وين السلاطين= قالو بدار منقضات الجعودي
يابن سعد ترا الوعد يعتبر دين = وانته من الي فاللوازم يزودي
فواز قال بعيد دار الموازين = ماني على سج الركاب محدودي
اطرد وراهم ياجماعه زمانين = واثبت كلامي والدلايل شهودي
ان كان للحق الموضح مطيعين= حطوه فالبيت المسمى قعودي
والا علوم تاصل الهند والصين = وتذيعها صنعاء بلاد الزيودي
هذي كبيره فوقكم يالمسمين= مجهزين الطيب والطيب عودي
ورسالتي جتكم بكل العناوين = نبا وضوح العلم وانتم فهودي

وهذا رد الشاعر فواز الفالح

حي القصيد الي بعيدٍ عن الشين = من نظم ابو شافي سليل الفهودي
ابن الرجال المكرمين الميامين= اهل الوفاء ومعربين الجدودي
الي علي ارسل من الشعر بيتين= فيها يبين رغبته في وجودي
بس ان هايف ظن بي يافهيمين = ان المسافه هي سبايب صدودي
والظن مايصلح في العرف والدين = والهرج مايقبل بليا شهودي
البعد لو ا انه مسافة سبوعين = ماحط من عزمي وهمة جهودي
ياما مشيت بليل والناس ممسين= من فوق جيبٍ صنعوه اليهودي
عقب العشا ممشاي بين الصلاتين= لاما الصبح يبين مثل العمودي
اسري مع نجوم بها الليل ليلين= وقاطع مسافه والخلايق رقودي
ضاري على قطع الفيافي من سنين = لابار خطو الهيطعي الهبودي
خصٍ ليا جت دعوتي من كريمينن = اشفق عليهم واتشرف وازودي

الأخ الشامخ(ابوشافي)-هايف- صح لسانك واعتلى شانك وصح لسان الشاعر فواز الحربي ومساجلة جميله بينكما وإن شاء الله فواز يفي بالوعد ويجيب الدعوة ..

صح السنتكم جميعن يابو شافي على المجارة الجميله
ونطمح للمزيد من جديدك

صح لسانك يالشامخ.واسم على مسمى

صح لسانك يالشامخ وعتلا شانك وقصيده رائعه ورد رائع من الشاعر / فواز الحربي

وياهلا وغلا يابو شافي منور المنتدى بحضورك وساعه المباركه .

صح السنتكم جميعن يابو شافي على المجارة الجميله
ونطمح للمزيد من جديدك
تحيااات اخوووك

عـ المطيري ــيد

يا مرحبا ألفين بالشاعر هايف وهلا وغلا بك يا القرم
أبو شافي إقبل إهدئي البسيط وهو ترحيبه لك بأسمي و بأسم ربعك الموازين

حياك ربي يا سليل المسمين=شرواك من ذكره تعدى الحدودي
ترحيبتن بك في محل الموازين=من بين ربعك يا عريب الجدودي
نبغا قصيدك من جديد الدواوين=هذا كلامي وأسمعوه الشهودي

ودي وإحترمي / <إِبّــ(زَرّاَقٌ)ــنْ>

صح لسانك يابو شافي

صح السنتكم جميعا ومشكورين على المجاره الرائعه الله محييك يابو شافي بين ربعك

صح السانك ياشامخ وصح السان فواز الحربي ومجاراه جزله بينكم


تــــقــــبــــلـــــو اعــــجــــــابـــــي