السلام عليكم ورحمة الله وبركاته
هذي المحاوره طلبها قبل فتره اخونا سالم ابن رباح
الحفله كان فيها الشاعر عبدالله والسناني وابو مشعاب و فواز العزيزي
وكان الشاعر عبدالله تاخر عن الحفله تاخير بسيط وحضر
وطلب ابو مشعاب
عبدالله
مرحبا واللي يثمن مرحبا يامرحبابه = والنجوم ايعدها الحساب ويضيع عددها
ياسليم انتم قريبين النبي وامن الصحابه = امكم هذا السنه ترضع ولد ماهو ولدها
ابو مشعاب
البقا باللي مثقف بالقرايه والكتابه = والعباد اغياب عن موضوعها محدن نشدها
الكلام اللي يجمل مايزعلنا صوابه = وامنا حتى انت راضع يا المطيري من نهدها
عبدالله
وحده من طق بيبان العرب ينطق بابه = وحده تلحق عليها النار وتضيع جهدها
احد يدري عن كلامن فات واحدن مادرى به = مادريت ان المخيله سيلها يسبق رعدها
ابو مشعاب
من ورد عد الروا لابد يبهج من شرابه = والضوامي ياولد ميزان واردتن بيدها
كل ماغنى ولد ميزان محسوبن حسابه = انتبه للأوله ثم انتبه للي بعدها
عبدالله
فا الجبال السود روس خشوم ووجيهن تشابه = مادري بالعافيه ياكود رجالن فقدها
مانقول انك هبوب ومانقول انك مهابه = والحقيقه مايسجل ذنبها للي شهدها
ابو مشعاب
فالخبوت اسباع ماهي لانمور ولا ذيابه = يمكن الشاعر وجدها يمكن انه ماوجدها
ارفع احجاجك ترى العربان حطو لك رقابه = والعرب بكره تعد اللي حصل داخل سددها
عبدالله
فا الخبوت ابيوت من طين وحجر مادري خرابه = والبيوت اهون عليكم بنيها وألا هددها
من يجنب درب ابوك ودرب جدك وش تبا به = والصحيفه من نشرها والقصيده من قصدها
ابو مشعاب
كل واحد ياقبايل مايفتش في غبابه = ويتقصى حجة الرجال لايفسد سندها
انت نجدي منت رابي فالحجاز وفي هضابه = والحجازي كل مايقدم على هرجه نقدها